ডিজিটেল ডেস্কঃ ধুবুৰীৰ ডুমৰদহত সংঘটিত হৈছে এক ভয়ংকৰ দুৰ্ঘটনা। মালবাহী ৰে'লে প্ৰচণ্ড খুন্দা মাৰিলে চাৰিচকীয়া বাহনত। কথমপি প্ৰাণ ৰক্ষা তিনি ছাত্ৰীসহ এজনৰ।
প্ৰায় এঘণ্টা ধৰি আবদ্ধ হৈ আছিল মালবাহী ৰে'লখন। ৰে'লখনৰ নম্বৰ WDG4G- 49131.
শিলিগুৰিৰ পৰা গুৱাহাটী অভিমুখী আছিল ৰে'লখন। AS17Q- 8055 নম্বৰৰ বাহনখনে ৰে'ল ক্ৰচিং পাৰ হওতে ৰে'ল আলিত লাগি ধৰি আবদ্ধ হৈ পৰে।
ৰে'লখন অহা দেখি দুই ছোৱালী (ছাত্ৰী) সহ আন এজন গাঁৱৰে কনমাণি ছাত্ৰীক লৈ বাহনখনৰ পৰা জাঁপ মাৰে। কথমপি প্ৰাণ ৰক্ষা পৰে চাৰিওৰে।
স্থানীয় ৰাইজৰ দাবী এখন ৰে'লগেট নথকাৰ বাবে সঘনাই এনে ঘটনা সংঘটিত হৈ থাকে।
ৰে'ল বিভাগ তথা জন প্ৰতিনিধিক বাৰে বাৰে দাবী জনোৱাৰ পিছতো হেজাৰ হেজাৰ লোক অহা যোৱা পথটোত এটি ৰে'লগেট দিয়া নাই ৰে'ল বিভাগে।
Continue Reading
