দৰিদ্ৰতাৰ শীৰ্ষত বিহাৰ : উত্তৰ-পূৱৰ ৰাজ্যৰো স্থান

ডিজিটেল ডেস্ক : দৰিদ্ৰতা যেন এক ব্যাধি৷ দেশৰ তিনিখন ৰাজ্যত দৰিদ্ৰতাৰ হাৰ তীব্ৰ হাৰত বৃদ্ধি পোৱাৰ তথ্য প্ৰকাশ হোৱাৰ পাছতে সৃষ্টি হৈছে চাঞ্চল্যৰ৷ নীতি আয়োগৰ এক বিশেষ সমীক্ষাত বিহাৰ, ঝাৰখণ্ড আৰু উত্তৰপ্ৰদেশত দৰিদ্ৰতাৰ হাৰ সবাটোকৈ বৈছিল৷ ইয়াৰ পাছতে আছে মধ্য প্ৰদেশ আৰু উত্তৰ-পূৱৰ মেঘালয় ৰাজ্য৷

প্ৰতিবেদনত উল্লেখ থকা অনুসৰি বিহাৰৰ ৫১.৯২ শতাংশ মানুহেই দৰিদ্ৰ৷ ইয়াৰ উপৰি ঝাৰখণ্ডৰ ৪২.১৬, উত্তৰ প্ৰদেশৰ ৩৭.৭৯শতাংশ৷ মধ্য প্ৰদেশত ৩৬.৬৫ শতাংশ আৰু উত্তৰ পূৱৰ ৰাজ্য মেঘালয় ৩২.৬৭ শতাংশ দৰিদ্ৰতাৰ হাৰ৷

আনহাতে দৰিদ্ৰতাৰ তালিকাৰ প্ৰথম থকা বিহাৰত বেছিসংখ্যক লোকে অপুষ্টিত ভুগা বুলি তথ্যত প্ৰকাশ পাইছে৷ ৰাজ্যখনত স্বাস্থ্য, শিক্ষাৰ পৰা বঞ্চিত লোকৰ সংখ্যা বৃদ্ধি হোৱাৰ উপৰি বিদ্যুৎ আদি সেৱাৰ পৰা বঞ্চিত লোকৰ সংখ্যা বৃদ্ধি বিহাৰত৷