ডিজিটেল ডেস্ক : দেশৰ ৰাজধানী দিল্লীত ক্ৰমাৎ বৃদ্ধি পাইছে শীতৰ প্ৰকোপ৷ ৰাজধানীত নিশাৰ তাপমাত্ৰা ৭ ডিগ্ৰী চেলচিয়াছলৈ হ্ৰাস পায়৷ যাৰ ফলত মঙলবাৰে বহুগৃহহীন লোক নৈশ আশ্ৰয়স্থললৈ ঢাপলি মেলে।
এই সন্দৰ্ভত ৰামলীলা ময়দানৰ নিশাৰ আশ্ৰয়স্থলৰ তত্ত্বাৱধায়কে কয় যে 'বিহাৰ, উত্তৰ প্ৰদেশ আৰু ৰাজস্থানৰ দৰে বিভিন্ন ৰাজ্যৰ পৰা মানুহ আহিছে। ইয়াত ১৮খন বিচনা স্থাপন কৰা হৈছে। ইয়াত সময়ে সময়ে ক'ভিড পৰীক্ষা কৰা হয়৷' ভাৰতীয় বতৰ বিজ্ঞানৰ সুত্ৰ অনুসৰি, বুধবাৰে পুৱা প্ৰায় ২ বজাত নতুন দিল্লীত ১১.৮ ডিগ্ৰী চেলচিয়াছ হয় ।
আই.এম.ডি.-য়ে ভৱিষ্যত বাণী কৰিছিল যে বৃহস্পতিবাৰৰ বাহিৰে ৰাজধানীখনত গোটেই সপ্তাহটোত নিম্নতম তাপমাত্ৰা একক সংখ্যাত থকাৰ সম্ভাৱনা আছে। শীতৰ বাবে গৃহহীন লোকসকল ভুগিছে জীৱনৰ শংকাত৷ সেয়ে নৈশ আশ্ৰয়স্থলীলৈ ঢাপলি মেলিছে তেওঁলোক৷
Continue Reading
