হৃদয় বিদাৰক : মাতাল মাতৃয়ে হত্যা কৰিলে কণমানি শিশুক

ডিজিটেল ডেস্ক : অত্যাধিক সুৰাপান কৰি এগৰাকী মহিলাই হত্যা কৰিলে নিজ কন্যাক৷ হায়দৰাবাদৰ মঙলহাটত সংঘটিত হৈছে এই হৃদয় বিদাৰক ঘটনাটো৷ অত্যাধিক সুৰাপান কৰি এবছৰীয়া কন্যা সন্তানক হত্যা কৰে এগৰাকী মাতৃয়ে। আৰক্ষীৰ দিয়া তথ্য অনুসৰি মহিলাগৰাকীৰ নাম লক্ষ্মী৷ মহিলাগৰাকীয়ে প্ৰথমে তেওঁৰ সন্তানক প্ৰহাৰ কৰে আৰু পাছত ডিঙিত চেপি হত্যা কৰে নিজ কন্যাক৷ মঙলবাৰে সংঘটিত হৈছে এই হৃদয় বিদাৰক ঘটনাটো৷ জানিব পাৰ মতে, লক্ষ্মীয়ে তেওঁৰ সন্তানৰ সৈতে মঙলহাটৰ সীথাৰামবাগ মন্দিৰৰ পিছফালে থকা দত্তাত্ৰেয় কামনৰ ওচৰৰ জুপুৰিত বাস কৰিছিল। সুৰাৰ প্ৰতি বিশেষভাৱে আসক্ত আছিল মহিলাগৰাকী। মঙলবাৰে দিনটোৰ কাম সম্পূৰ্ণ কৰাৰ পাছত লক্ষ্মীয়ে যথেষ্ট সুৰাপান কৰিছিল। অত্যাধিক সুৰাপান কৰাৰ ফলত নিশা কলংকৃতা মাতৃগৰাকীয়ে কণমানিজনীক প্ৰহাৰ কৰিছিল আৰু ডিঙি চেপি ধৰিছিল৷ যাৰ ফলত থিতাতেই নিহত হয় কণমানিজনীৰ। স্থানীয় লোকৰ তত্ত্বাৱধানত ঘটনাস্থলীত উপস্থিত হয় আৰক্ষী৷ শিশুটোৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে হাস্পতাললৈ। ইতিমধ্যে লক্ষ্মীৰ বিৰুদ্ধে হত্যাৰ গোচৰ ৰুজু কৰা হৈছে আৰক্ষী চকীত।