ডিজিটেল ডেস্কঃ মোবাইল ফোনৰ আসক্তিয়ে এচাম ছাত্ৰ-ছাত্ৰীৰ জীৱনলৈ ভাবুকি কঢ়িয়াই আনিছে। উত্তৰাখণ্ডৰ উধম সিং নগৰ জিলাৰ কিছাত এক অঘটন সংঘটিত হৈছে।
মোবাইল ফোনত ব্যস্ত থকাৰ বাবে মাতৃয়ে কাঢ়ি নিলে ফোনটো, ফলত দশম শ্ৰেণীৰ ছাত্ৰী এগৰাকীয়ে চিপ লৈ আত্মহত্যা কৰাৰ অভিযোগ উত্থাপন হৈছে। ঘটনা সন্দৰ্ভত তথ্য লাভ কৰাৰ পিছতে আৰক্ষীয়ে ঘটনাস্থলীত উপস্থিত হৈ মৃতদেহটো নিজৰ জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰে।
তথ্য অনুসৰি মৃত কিশোৰীগৰাকী দশম শ্ৰেণীৰ ছাত্ৰী আছিল আৰু তেওঁ পৰিয়ালৰ সৈতে কিছাৰ লালপুৰ অঞ্চলত বাস কৰিছিল। মাতৃগৰাকীয়ে জনোৱা মতে, শনিবাৰে নিশা প্ৰায় ২.৩০ বজাত দ্বিতীয় মহলাৰ কোঠাটোত কন্যাই কাৰোবাৰ লগত ফোনত কথা পাতি আছিল। এই কথাত তেওঁলোকে তেওঁৰ ফোনটো কাঢ়ি লৈ গ’ল। ফোনটো লৈ মাতৃ তললৈ নামি আহিল। ইফালে ছোৱালীজনীয়ে খং কৰি নিজৰ কোঠাৰ দুৱাৰখন বন্ধ কৰি দিলে। পৰিয়ালে কোঠাটোৰ দুৱাৰখন খুলিবলৈ বহুত চেষ্টা কৰিলে, কিন্তু বিফল হ’ল।
ইয়াৰ পাছত পৰিয়ালে দুৱাৰ ভাঙি কোঠাটোত সোমাই গ’ল। কোঠাটোত তেওঁলোকে দেখে যে ছোৱালীজনীয়ে চিপ লৈ ফেনত ওলমি আছে। লগে লগে সকলোৱে মিলি তেওঁক নমাই আনিলে, কিন্তু তেতিয়ালৈকে তেওঁৰ মৃত্যু হ’ল। ইয়াৰ পিছত আৰক্ষীক খবৰ দিয়া হয়।
ঘটনাটোক লৈ অঞ্চলজুৰি চাঞ্চল্য বিৰাজ কৰিছে।
Continue Reading
