দৈনিক ৩ ঘণ্টালৈকে মেকআপ লগোৱাটো সহজ কথা নহয়;অভিনেত্ৰীৰ প্ৰতি মোৰ শ্ৰদ্ধা বাঢ়ি গৈছেঃ নৱাজুদ্দিন ছিদ্দিকী

নৱাজুদ্দিন ছিদ্দিকীয়ে লগতে কয় যে ছবিখনৰ পৰিচালক অক্ষত অজয় ​​শৰ্মাই যোৱা ৪ বছৰে এই চিনেমাখন নিৰ্মাণ কৰিব বিচাৰিছিল। মই তেওঁক বহুদিনৰ পৰা চিনি পাওঁ আৰু এতিয়া আমি ছবিখনৰ কামত ব্যস্ত আছো।''

নৱাজুদ্দিনে নিজৰ নাৰী চৰিত্ৰটোৰ গেটআপটো পাবলৈ দিনটোত প্ৰায় তিনি ঘণ্টা সময় লয়। এই বিষয়ে অভিনেতাজনে কয়-''নাৰীৰ ৰূপত মোক যেতিয়া মোৰ ছোৱালীজনীয়ে দেখিলে, তেতিয়া তাইৰ বৰ খং উঠিছিল। কিন্তু এতিয়া তাই বুজি পাইছে যে সেয়া কেৱল ভূমিকাটোৰ বাবেহে মই তেনে কৰিছো। গতিকে তাই এতিয়া সকলোখিনি বুজি পাইছে। এই অভিজ্ঞতাৰ পিছত মই নিশ্চিতভাৱে ক’ম যে প্ৰতিদিনে এই সকলোবোৰ কৰা সকলো অভিনেত্ৰীৰ প্ৰতি মোৰ গভীৰ শ্ৰদ্ধা আছে। মই মাত্ৰ এখন চিনেমাৰ বাবেহে এনে কৰিবলগীয়া হৈছে কিন্তু তেওঁলোকে প্ৰতিখন চিনেমাৰ বাবে এনে কৰিব লাগে। চুলি, মেকআপ, কাপোৰ, নখলৈকে তেওঁলোকে গুৰুত্ব দিবলগীয়া হয়। এতিয়া মই উপলব্ধি কৰিছো যে এগৰাকী অভিনেত্ৰীক এগৰাকী অভিনেতাতকৈ তেওঁৰ ভেনিটি ভ্যানৰ পৰা ওলাই আহিবলৈ কিয় বেছি সময় লাগে। এইটো সম্পূৰ্ণৰূপে ন্যায্য।''

উল্লেখ্য যে 'হাড্ডী'ৰ শ্বুটিং এতিয়াও চলি আছে। অহা বছৰ ২০২৩ চনত মুক্তি পাব ছবিখনে। অক্ষত অজয় ​​শৰ্মাই পৰিচালনা কৰিছে নৱাজুদ্দিন ছিদ্দিকীৰ নৱতম ছবি 'হাড্ডী'।