ডিজিটেল ডেস্ক: এক ভয়ংকৰ পথ দুৰ্ঘটনাই কঁপাই গ'ল ডুমডুমা। ডুমডুমাৰ চামডাং বাইপাছত ব্যক্তিগত বাহনৰ খুন্দাত আৰক্ষী বিষয়া নিহত। এই দুৰ্ঘটনাত আৰু দুগৰাকী আৰক্ষী বিষয়াসহ মুঠ ৬জন গুৰুতৰভাৱে আহত হয়। কৰ্তব্যৰত অৱস্থাত বাহনখনে মহতিয়াই নিয়ে তেওঁলোকক।
AR 11 A 5334 নম্বৰৰ মহেন্দ্ৰ বাহনৰ খুন্দাত গুৰুতৰভাৱে আহত হয় ডুমডুমা আৰক্ষী থানাৰ উপ পৰিদৰ্শক বুবুল সোণোৱালসহ অন্য দুজন আৰক্ষী।
সংকটজনক অৱস্থাত ডিব্ৰুগড়লৈ প্ৰেৰণ কৰা হয় SI বুবুল সোণোৱাল, আৰক্ষী জোৱান দুলেন্দ্ৰ দহোটীয়া আৰু উব্ৰ সোণোৱালক।
ডিব্ৰুগড় চিকিৎসালয়ত মৃত্যুক সাৱটে আৰক্ষী বিষয়া বুবুল সোণোৱালে। মৃত আৰক্ষী বিষয়াগৰাকীৰ ঘৰ ডিব্ৰুগড় জিলাৰ টেঙাখাতত।
৩ আৰক্ষী আৰু ৪গৰাকী সাধাৰণ লোক আহত হয় দুৰ্ঘটনাটোত। ইয়াৰে বুবুল সোণোৱালে মৃত্যুক সাৱটি লয়।
দুৰ্ঘটনাটো সংঘটিত কৰিয়েই ঘটনাস্থলীৰ পৰা পলায়ন বাহনখনৰ চালকগৰাকীৰ।
ততাতৈয়াকৈ চিকিৎসালয়ত ডুমডুমা বিধায়ক তথা মন্ত্ৰী ৰূপেশ গোৱালা উপস্থিত হৈ আহতসকলৰ স্বাস্থ্যৰ বুজ লয়।
ঘটনাটোক লৈ সমগ্ৰ তিনিচুকীয়া জিলাখনতে তীব্ৰ চাঞ্চল্যৰ সৃষ্টি হৈছে। বুবুল সোণোৱালৰ মৃত্যুত গভীৰ শোকৰ ছাঁ পৰিছে।
Continue Reading
