ড্ৰাগছ বিৰোধী অভিযান ধূপধৰা আৰক্ষীৰ; ড্ৰাগছসহ গ্ৰেপ্তাৰ দুজন

ডিজিটেল ডেস্ক: গোৱালপাৰা জিলাৰ ধূপধৰাত ড্ৰাগছ বিৰোধী অভিযান ধূপধৰা আৰক্ষীৰ৷ ধূপধৰাৰ কোঁঠাকুঠিত ১৭ নং ৰাষ্ট্ৰীয় ঘাইপথত অভিযান চলাই ড্ৰাগছসহ গ্ৰেপ্তাৰ দুজনক৷ ড্ৰাগছ ক্ৰয়-বিক্ৰয় কৰি থকা মুহূৰ্ততে আৰক্ষীয়ে হাতে-লোটে কৰায়ত্ত কৰে সৰবৰাহকাৰীসহ দুজন লোকক ৷

১১ টাকৈ ড্ৰাগছভৰ্তি কণ্টেইনাৰসহ আৰক্ষীৰ জালত পৰিল সৰবৰাহকাৰী। ধৃত সৰবৰাহকাৰীটো ৰাজীৱ ৰাভা বুলি জানিব পৰা গৈছে। 

ধূপধৰাত বিক্ৰীৰ বাবে আনিছিল ড্ৰাগছখিনি। ৰাজীৱ ৰাভাৰ পৰা এখন বাইকো জব্দ কৰিছে আৰক্ষীয়ে৷

ধূপধৰা আৰু কোঠাকুঠিৰ মাজ অংশৰ ১৭ নং ৰাষ্ট্ৰীয় ঘাইপথত ড্ৰাগছখিনি বিক্ৰী কৰাৰ সময়তে হাতে-লোটে গ্ৰেপ্তাৰ কৰে ড্ৰাগছ সৰবৰাহকাৰী ৰাজীৱ ৰাভাৰ লগতে ড্ৰাগছ ক্ৰয় কৰিবলৈ অহা অমৰজিৎ শৰ্মাক। 

আৰক্ষীয়ে জব্দকৃত ড্ৰাগছখিনিৰ ওজন ১৪.৬৩ গ্ৰাম বুলি জানিবলৈ দিয়ে। ধৃত সৰবৰাহকাৰী ৰাজীৱ ৰাভাৰ ঘৰ ধূপধৰাৰ বাঘগডোবা উত্তৰ ঘিলাবাৰী আৰু ক্ৰেতা অমৰজিৎ শৰ্মাৰ ঘৰ কোঁঠাকুঠিৰ নাহৰপাৰাত বুলি জানিব পৰা গৈছে৷

ধূপধৰা আৰক্ষীয়ে ‌অধিক তথ্যৰ বাবে ধৃত ড্ৰাগছ সৰবৰাহকাৰীটোৰ জেৰা অব্যাহত ৰাখিছে।