ডিজিটেল ডেস্কঃ ধাৰাবাহিকভাৱে ফ্লপৰ সন্মুখীন হৈছে কংগনা ৰাণাৱট। চন্দ্ৰমুখী ২ৰ পিছত তেওঁৰ দ্বিতীয়খন ছবি তেজসো বেয়াকৈ ফ্লপ হৈছে। যোৱা শুকুৰবাৰে ছবিগৃহত মুক্তি লাভ কৰিছিল কংগনা ৰাণাৱটৰ ছবি তেজস। কিন্তু চতুৰ্থ দিনলৈকে ছবিখনৰ অৱস্থা এনেকুৱা আছিল যে ইয়াৰ মৰ্ণিং শ্ব’ৰ কোনো টিকট বিক্ৰী নহ’ল। এই কথা দাবী কৰিছে এজন চিনেমা হলৰ মালিকে। দাবী কৰা হৈছে যে সোমবাৰে তেজসৰ মৰ্ণিং শ্ব’ৰ কোনো টিকট বিক্ৰী হোৱা নাছিল, যাৰ বাবে ছবিখনৰ শ্ব’ বাতিল কৰিবলগীয়া হৈছিল।
দেওবাৰেও তেজছৰ অৱস্থা বেয়া আছিল। প্ৰতিটো শ্ব’তে প্ৰায় ১০-১২ জন মানুহো নাথাকে। সোমবাৰৰ পৰা বন্ধ হৈ আছে ৫০ শতাংশতকৈ অধিক শ্ব’। তেজছতকৈ ভাল ব্যৱসায় কৰি আছে বিধু বিনোদ চোপ্ৰাৰ '12th fail'য়ে।
বিহাৰৰ পূৰ্ণীয়াৰ ৰূপবাণী চিনেমা হলৰ স্বত্বাধিকাৰী বিষেক চৌহানে কয়, ‘তেজস আমাৰ বাবে এক দুৰ্যোগ। এইবাৰ প্ৰথমবাৰৰ বাবে মোৰ থিয়েটাৰত মৰ্ণিং শ্ব’টো টিকট বিক্ৰী শূন্য হোৱাৰ বাবে বাতিল কৰা হ’ল। তেওঁ আৰু কয়, "বাকী শ্ব'বোৰোতো প্ৰায় ২০-৩০ জনতকে বেছি মানুহ নাছিল।"
চুৰাটৰ দ্য ফ্ৰাইডে চিনেমা মাল্টিপ্লেক্স পৰিচালনা কৰা কিৰিতভাই টি বাঘাছিয়াই কয়, "শুকুৰবাৰৰ পৰা দেওবাৰলৈকে তেজসৰ ১৫টা শ্ব' দৰ্শক শূন্য হোৱাৰ বাবে বাতিল কৰা হৈছিল। মোৰ থিয়েটাৰত তেজসৰ এটাও শ্ব' হোৱা নাই। বুকিং শূন্য আছিল। ইয়াৰ উপৰিও আন চিনেমা হলৰ মালিকসকলেও তেজস সন্দৰ্ভত দুখ প্ৰকাশ কৰিছে।
Continue Reading
