দুঃখবৰ!ৰাছিয়াৰ আক্ৰমণত ইউক্ৰেইনত ভাৰতীয় ছাত্ৰৰ শোকাৱহ মৃত্যু

ডিজিটেল ডেস্কঃ এক দুঃখবৰ। ৰাছিয়া-ইউক্ৰেইনৰ যুদ্ধত ইউক্ৰেইনত মৃত্যুমুখত পৰিল এগৰাকী ভাৰতীয় ছাত্ৰ। মঙলবাৰে খাৰকীভত ৰাছিয়াৰ ভয়ংকৰ আক্ৰমণত কৰ্ণাটকৰ এজন ভাৰতীয় ছাত্ৰই হেৰুৱালে প্ৰাণ। পশ্চিম সীমান্তলৈ যোৱাৰ বাবে লভিভৰ ৰেল ষ্টেচনলৈ যোৱা অৱস্থাত তেওঁ গুলীবিদ্ধ হৈ নিহত হয়। কৰ্ণাটকৰ ছাত্ৰজনৰ নাম নবীন বুলি জানিব পৰা গৈছে৷ ভাৰতীয় বৈদেশিক মন্ত্ৰ্যালয়ৰ তৰফৰ পৰা ভাৰতীয় ছাত্ৰগৰাকীৰ মৃত্যু হোৱা বুলি স্পষ্ট কৰা হয়। বৈদেশিক মন্ত্ৰ্যালয়ৰ মুখপাত্ৰ অৰিন্দম বাগচিয়ে টুইট কৰি লিখে “অতি দুখেৰে জনাও যে খাৰকীভত আজি পুৱা ৰাছিয়াৰ তীব্ৰ আক্ৰমণত এজন ভাৰতীয় ছাত্ৰই প্ৰাণ হেৰুৱাইছে। মন্ত্ৰ্যালয়ে মৃত্যু হোৱা ছাত্ৰজনৰ পৰিয়ালৰ লোকৰ সৈতে সম্পৰ্কত আছে। আমি মৃত্যু হোৱা ছাত্ৰজনৰ পৰিয়ালৰ লোকৰ প্ৰতি গভীৰ সমবেদনা জ্ঞাপন কৰিছোঁ।” https://twitter.com/MEAIndia/status/1498591112188989442?s=20&t=4oHL4VQqoerrPE3j555WqQ আনহাতে ৰাছিয়ান সেনাই ইউক্ৰেইনৰ ৰাজধানী কীভত ভয়ংকৰ আক্ৰমণ সংঘটিত কৰিব পাৰে বুলি ধাৰণা কৰি ভাৰতীয় ৰাষ্ট্ৰদূতৰ কাৰ্য্যালয়ে ভাৰতীয় নাগৰিকসকলক কীভৰ পৰা আঁতৰি অহাৰ বাবে আহ্বান জনাইছে। এই সময়চোৱাত প্ৰায় ১৬,০০০ ভাৰতীয় লোক ইউক্ৰেইনত আবদ্ধ হৈ আছে। আৰু পঢ়কঃ শিৱৰাত্ৰিত ভাঙৰ প্ৰসাদ খাই নিচা বেছি হ’লে কি কৰিব?জানো আহক ঘৰুৱা উপায়