ডিজিটেল ডেস্কঃ বলীউডৰ এজন শক্তিশালী অভিনেতা আমিৰ খান। আমিৰ খানৰ অভিনয় ইমানেই নিখুঁত যে তেওঁক 'মিষ্টাৰ পাৰ্ফেকচনিষ্ট' নামেৰে জনা যায়। সাধাৰণ মানুহে বলীউডৰ তাৰকাসকলৰ জীৱনশৈলীৰ বিষয়ে জানিব বিচাৰে বা তেওঁলোকৰ জীৱনশৈলী অনুকৰণ কৰিব বিচাৰে। পাছে আমিৰ খানৰ এটা অভ্যাসৰ বিষয়ে শুনিলে আপোনাৰ চকু কপালত উঠিব। যিটো অতি বেয়া অভ্যাস। আপুনি হয়তো ভাবে যে বলীউডৰ তাৰকাসকল অতি চাফ-চিকুণকৈ থাকে। পাছে আপোনাৰ সেই ধাৰণা ভংগ কৰিব আমিৰ খানে।
আমিৰ খানে সদায় গা নুধুৱে। নিয়মীয়াকৈ গা নুধুৱে আমিৰ খানে। ২০১১ চনত 'ধোবী ঘাট' ছবিখনৰ প্ৰচাৰৰ সময়ত আমিৰৰ বেয়া স্বভাৱ পোহৰলৈ আহিছিল। বাহিৰলৈ ওলাই যোৱাৰ প্ৰয়োজন নহ’লে তেওঁ গা নুধুৱে। একাংশ নেটিজেনৰ মতে আমিৰৰ লেতেৰা স্বভাৱৰ বাবে কিৰণ ৰাও বিৰক্ত হৈছিল।
এক সংবাদ মাধ্যমৰ সৈতে হোৱা এক সাক্ষাৎকাৰত আমিৰ কিৰণে ইজনে সিজনৰ বেয়া কথাবোৰ আলোচনা কৰিছিল। সেই সময়ত অভিনেতাগৰাকীৰ প্ৰাক্তন পত্নীয়ে কৈছিল যে আমিৰে গা ধুব নিবিচাৰে। তেওঁ নিয়মিতভাৱে গা নুধুৱে।
লগে লগে আমিৰ খানে আত্মপক্ষ ৰক্ষা কৰি কয় যে ''এয়া সম্পূৰ্ণ সঁচা নহয়। কামৰ বাবে বাহিৰলৈ গ'লে গা ধুই বাহিৰলৈ ওলাই যাওঁ। আৰু যিহেতু মই প্ৰায়ে বাহিৰলৈ ওলাই যাওঁ সেয়ে মোৰ গা ধোৱা কামটো হৈ থাকে।'' ঘৰত থাকিলে বা ছুটীত থাকিলেহে মই গা নুধুও বুলি অৱশ্যে নিজ মুখে আমিৰে স্বীকাৰ কৰিলে।
কিৰণে আমিৰৰ এই স্বভাৱ একেবাৰে ভাল নাপায়। তেওঁ সাক্ষাৎকাৰত এই কথা খুলাখুলিকৈ কৈছিল।
বলীউডৰ মিষ্টাৰ পাৰ্ফেকচনিষ্ট নামেৰে পৰিচিত আমিৰ খানৰ প্ৰাণৱন্ত অভিনয়ৰ সৈতে সকলো পৰিচিত। দীৰ্ঘদিন ধৰি হিন্দী চিনেমাত অভিনয় কৰি অহা আমিৰক অন্যতম শীৰ্ষ অভিনেতা হিচাপে গণ্য কৰা হয়। সেইগৰাকী আমিৰ খানেই বাস্তৱ জীৱনত এক অদ্ভুত বদ অভ্যাসৰ বলি হোৱা কথাটোৱে সকলোকে আচৰিত কৰি তুলে।
Continue Reading
