ডিজিটেল ডেস্কঃ মুকেশ আম্বানীৰ ৰিলায়েন্স ইণ্ডাষ্ট্ৰিজে আমেৰিকান প্ৰসাধন কোম্পানী ৰেভলন ক্ৰয় কৰাৰ সম্ভাৱনা আছে। খবৰ অনুসৰি ৰেভলন কোম্পানীটো বৰ্তমান ব্যপক লোকচানৰ সন্মুখীন হৈছে, যাৰ বাবে এতিয়া কোম্পানীটো ৰিলায়েন্স ইণ্ডাষ্ট্ৰিজৰ কাষ চাপিছে। শেহতীয়াকৈ, ৰেভলন ইঙ্কে ঋণৰ জালত আৱদ্ধ হৈ আৰু ইয়াক পৰিশোধ কৰিবলৈ অক্ষম হোৱাৰ পিছত দেউলিয়া হোৱা বুলি খবৰ পোৱা গৈছে। অৱশ্যে, ৰিলায়েন্সে এতিয়ালৈকে এই বিষয়ে মুকলিকৈ মুখ খোলা নাই।
যদি ৰিলায়েন্সে সঁচাকৈয়ে আমেৰিকা যুক্তৰাষ্ট্ৰৰ কোম্পানী ৰেভলন ইনক ক্ৰয় কৰে, তেন্তে খুচুৰা আৰু টেলিকম খণ্ডৰ পাছত, মুকেশ আম্বানীৰ ৰিলায়েন্স ইণ্ডাষ্ট্ৰিজেও প্ৰসাধনৰ নাম অন্তভুক্ত হব। একাধিক প্ৰতিবেদনে দাবী কৰিছে যে ৰিলায়েন্সে এতিয়া ফেশ্বন আৰু ব্যক্তিগত যত্ন খণ্ডৰ ওপৰত দৃষ্টি ৰাখিছে। এনে পৰিস্থিতিত, ৰিলায়েন্সে ৰেভলন ইনক ক্ৰয় কৰিব পৰাৰ পূৰ্ণ সম্ভৱনা আছে। উল্লেখ্য যে, পৃথিৱীৰ বহুতো দেশত ৰেভলন সামগ্ৰীৰ চাহিদা আছে।
ৰেভলনৰ এলিজাবেথ আৰ্ডেন আৰু এলিজাবেথ টেইলৰৰ দৰে ১৫ টাতকৈও অধিক ব্ৰেণ্ড আছে। ৰেভলনৰ সামগ্ৰীৰ চাহিদা ১৫০ খনতকৈও অধিক দেশত আছে। বিশেষকৈ ৰেভলনৰ লিপষ্টিকৰ যথেষ্ট চাহিদা আছে। আন বহুতো খণ্ডৰ দৰে, কভিড ১৯-য়েও প্ৰসাধন কোম্পানীবোৰক প্ৰভাৱিত কৰিছে। ২০২০ চনত কভিডৰ প্ৰথম বছৰত কোম্পানীটোৰ বিক্ৰী ২১ শতাংশ হ্ৰাস পাইছিল।
Continue Reading
