'এজন মানুহে কিয় ধৰ্ষণ কৰে? মৃত্যুদণ্ডও পাইছে কিন্তু...' কলকাতা কাণ্ডক লৈ খং উঠিল শ্বাবানা আজমীৰ

কলকাতাত সংঘটিত হৈ থকা প্ৰতিবাদ সন্দৰ্ভত শ্বাবানা আজমীয়ে কয় যে এনে ঘটনাক লৈ খং উঠিব লাগে। এই ঘটনাবোৰ সমাজৰ বাবে অতি বিপদজনক। কিন্তু আমি নিৰ্বাচনশীলতা কৰিলে শিপাৰ কাষ চাপিব নোৱাৰিম। দিল্লীৰ নিৰ্ভয়া কাণ্ডৰ কথা উল্লেখ কৰি তেওঁ কয় যে সমগ্ৰ দেশ নিৰ্ভয়াৰ বাবে গোট খাইছিল। ন্যায়াধীশ ভাৰ্মা কমিটীয়ে উচিত প্ৰট’কল বনাইছিল যদিও এনে কাণ্ডৰ সংখ্যা হ্ৰাস পোৱা নাই।

শ্বাবানা আজমীয়ে কয় যে ‘যেতিয়ালৈকে আমি নাৰীৰ সমান অধিকাৰ আছে বুলি নাভাবো...  এজন পুৰুষে কিয় ধৰ্ষণ কৰে? তেনে ক্ষেত্ৰতটো মৃত্যুদণ্ডও দিয়া হৈছে। কঠোৰ শাস্তিও দিয়া হৈছে, কিন্তু তথাপিও এনে গোচৰ কমি যোৱা নাই। কিয় এনেকুৱা হৈছে, কাৰণ কি? ইয়াৰ বাবে বহুত কাম কৰিব লাগে। ন্যায়াধীশ ভাৰ্মাই দিয়া প্ৰট’কলৰ ওপৰত আমি কাম কৰা উচিত।’

যোৱা ১৫ দিন ধৰি এই গোচৰৰ তদন্ত অব্যাহত ৰাখিছে দেশৰ বৃহৎ তদন্তকাৰী সংস্থা চিবিআইয়ে। ১০০ৰো অধিক লোকক সোধা-পোছা কৰাৰ লগতে আৰ জি কৰ মহাবিদ্যালয়ৰ প্ৰাক্তন অধ্যক্ষ ড০ সন্দীপ ঘোষ আৰু অভিযুক্ত সঞ্জয় ৰায়কে ধৰি বহু লোকৰ ওপৰত পলিগ্ৰাফ টেষ্ট কৰা হৈছে যদিও এতিয়ালৈকে কোনো সুনিৰ্দিষ্ট প্ৰমাণ পোৱা নাই। প্ৰায় ২০ দিনৰ পাছতো কলকাতাৰ চিকিৎসক ধৰ্ষণ হত্যাৰ ৰহস্য সমাধান হোৱা নাই। এতিয়া চিবিআইয়ে মূল অভিযুক্ত সঞ্জয় ৰয়ৰ বন্ধু অৰূপ দত্তৰ পলিগ্ৰাফ টেষ্ট কৰিবলৈ ওলাইছে। হত্যাকাণ্ডৰ নিশা সঞ্জয় ৰায়ে অৰূপ দত্তৰ ওচৰত গৈ তেওঁৰ লগত শুইছিল। চিবিআইয়ে অৰূপ দত্তৰ ঘৰৰ পৰাই আটক কৰে মূল অভিযুক্ত সঞ্জয় ৰায়ক। ইয়াৰ সমান্তৰালকৈ সঞ্জয় ৰায়ৰ সৈতে তেওঁৰ এখন ফটোও তদন্তত ওলায় । সেয়েহে তেওঁ এতিয়া চিবিআইৰ জিম্মাত আছে। এতিয়া অৰূপে কি সত্য ক’ব আৰু কি লুকুৱাব, সেয়া পলিগ্ৰাফ টেষ্টৰ পিছতহে স্পষ্ট হ’ব।