ডিজিটেল ডেস্ক: মানুহৰ পেটৰ পৰা জীয়া পঁইতাচোৰা উলিয়াই দিয়াটো আচৰিত যেন লাগিব পাৰে আপোনাৰ, কিন্তু দিল্লীত এনে এটা গোচৰ পোহৰলৈ আহিছে, য’ত চিকিৎসকে এজন যুৱকৰ পেটৰ পৰা এটা জীয়া পঁইতাচোৰা উলিয়াই আনে। দিল্লীৰ বসন্ত কুটৰ ফৰ্টিছ হাস্পতালত ২৩ বছৰীয়া এজন যুৱকৰ পেটৰ পৰা উলিয়াই আনিছে পঁইতাচোৰা। যুৱকজনৰ পেটৰ পৰা পঁইতাচোৰাটো উলিয়াই অনা বুলি শুনি সকলোৱে আচৰিত হৈ পৰে ৷
আচলতে কিছুদিন ধৰি যুৱকজনৰ পেটৰ বিষ হৈ আছিল আৰু খোৱাৰ পিছত যিকোনো বস্তু হজম কৰাত অসুবিধা হৈছিল। যুৱকজনে অনুভৱ কৰিলে যে পেটৰ এচিডিটি বা কোষ্ঠকাঠিন্যৰ সমস্যা হ’ব পাৰে, গতিকে তেওঁ গেষ্ট্ৰ’ বিভাগৰ চিকিৎসকৰ ওচৰলৈ গ’ল। ডাক্তৰে যেতিয়া যুৱকজনক পৰীক্ষা কৰিলে, তেওঁ আচৰিত হ’ল। যুৱকজনৰ পেটত দেখা গ’ল এটা জীৱন্ত পঁইতাচোৰা। যুৱকজনৰ ক্ষুদ্ৰান্ত্ৰত আবদ্ধ হৈ পৰিল পঁইতাচোৰাটো। আশ্চৰ্যজনক বিষয় যে ইমান দিনৰ পাছতো পঁইতাচোৰাটো জীয়াই আছিল। এণ্ড’স্কপিৰ সহায়ত যুৱকজনৰ ক্ষুদ্ৰান্ত্ৰৰ পৰা পঁইতাচোৰাটো জীৱিত অৱস্থাত উলিয়াই আনে।
যুৱকজনৰ পেটত পঁইতাচোৰা দেখা পাই চিকিৎসকে আচৰিত হোৱাৰ লগতে যুৱকজনো অতিশয় চিন্তিত হৈ পৰিল। এনে পৰিস্থিতিত প্ৰত্যাহ্বান আছিল কেনেকৈ পঁইতাচোৰাটো উলিয়াই আনিব? এণ্ড’স্কপিৰ সহায়ত চিকিৎসকে দহ মিনিটতে যুৱকজনৰ ক্ষুদ্ৰান্ত্ৰৰ পৰা জীয়া পঁইতাচোৰাটো উলিয়াই আনিলে। উলিয়াই অনাৰ পিছতো পঁইতাচোৰাটো সম্পূৰ্ণৰূপে জীয়াই আছিল।
ডাক্তৰ শুভমৰ মতে, ক্ষুদ্ৰান্ত্ৰত আবদ্ধ হৈ থকা পঁইতাচোৰাটো যদি আৰু কিছু সময় তাতেই থাকিলহেঁতেন, তেন্তে যুৱকজনৰ মৃত্যু হ’লহেঁতেন , এনে পৰিস্থিতিত যিকোনো প্ৰকাৰে ইয়াক উলিয়াই অনাটো অতি প্ৰয়োজনীয় আছিল। সেয়েহে কোনো পলম নকৰাকৈয়ে এণ্ড’স্কপিৰ সহায়ত পঁইতাচোৰাটো উলিয়াই আনিলে।
পঁইতাচোৰাটোৱে কেনেকৈ তেওঁৰ ক্ষুদ্ৰান্ত্ৰত উপনীত হ’ল, সেই কথা জানিব পৰা নাছিল যুৱকজনে। শুই থকা অৱস্থাত যুৱকজনৰ মুখৰ মাজেৰে ক্ষুদ্ৰান্ত্ৰত প্ৰৱেশ কৰা বুলি চিকিৎসকে অনুমান কৰিছে।
Continue Reading
