এলাহৰ বশৱৰ্তী হৈ নিৰাপত্তাৰক্ষীয়ে ১ নিযুত ডলাৰৰ পেইণ্টিঙত অংকন কৰিলে চকু: তাৰপাছত?

ডিজিটেল ডেস্ক: এলাহ লাগিলে আপুনি কি কৰে? এলাহৰ বশৱৰ্তী হৈ এগৰাকী নিৰাপত্তাৰক্ষীয়ে নষ্ট কৰিলে ১নিযুত ডলাৰ মূল্যৰ পেইণ্টিং৷ এলাহেই কাল হ’ল নিৰাপত্তাৰক্ষীজনৰ বাবে৷ কৰ্মক্ষেত্ৰৰ প্ৰথম দিন আছিল নিৰাপত্তাৰক্ষীজনৰ বাবে৷ আৰু প্ৰথম দিনটোতেই এলাহৰ বশৱৰ্তী হৈ ১ নিযুত ডলাৰৰ (৭.৪৭ কোটি টকা) পেইণ্টিং নষ্ট কৰাৰ অভিযোগ উত্থাপন হৈছে নিৰাপত্তাৰক্ষীজনৰ বিৰুদ্ধে৷ এই ঘটনাটো হৈছে পশ্চিম-মধ্য ৰাছিয়াৰ স্ভেৰ্ডলভস্ক ওব্লাষ্ট অঞ্চলৰ য়েলৎচিন কেন্দ্ৰত৷ আন্না লেপোৰ্স্কায়াৰ ট্ৰেটিয়াকভ গেলেৰীত ‘থ্ৰী ফিগাৰ্ছ’ (১৯৩২-১৯৩৪) নামৰ চিত্ৰখনত নিৰাপত্তাৰক্ষীজনে চকু আঁকি নষ্ট কৰে ছবিখন। অভিযোগ অনুসৰি, কৰ্মক্ষেত্ৰত ব’ৰ হৈ থকা নিৰাপত্তাৰক্ষীজনে চিত্ৰখনত থকা তিনিটা চৰিত্ৰৰ দুটাত কলমেৰে চকু আঁকিছিল৷ জানিব পৰা মতে, ছবিখনৰ এই তিনিটা চৰিত্ৰ অকংন কৰিছিল ১৯৩২ৰ পৰা ১৯৩৪ৰ ভিতৰত৷ আনহাতে ছবিখন ৭.৪৭ কোটি টকাত বিমা কৰোৱা হৈছিল৷ খবৰ অনুসৰি ২০২১ চনৰ ৭ ডিচেম্বৰত ছবিখন প্ৰথমবাৰ প্ৰদৰ্শন কৰা হৈছিল৷ ‘দ্য ৱ’ৰ্ল্ড এজ নন-অবজেক্টিভিটী, দ্য বাৰ্থ অব এ নিউ আৰ্ট’ নামৰ এখন প্ৰদৰ্শনীত প্ৰদৰ্শিত কৰা হৈছিল ছবিখন। আৰু এই প্ৰদৰ্শনীতেই ছবি আঁকি নষ্ট কৰে ১ নিযুত ডলাৰৰ পেইণ্টিংখন৷ য়েল্টচিন চেণ্টাৰৰ কাৰ্যবাহী সঞ্চালক আলেকজেণ্ডাৰ ড্ৰোজডোভে দাখিল কৰা এক বিবৃতিত নিৰাপত্তাৰক্ষীজনৰ পৰিচয় দাঙি ধৰা নাছিল৷ কিন্তু কাৰ্যবাহী সঞ্চালকজনে নিৰাপত্তাপক্ষীজন এটা ব্যক্তিগত সুৰক্ষা কোম্পানীত কৰ্মৰত বুলি জানিবলৈ দিছিল। প্ৰদৰ্শনীখনৰ কিউৰেটৰ আন্না ৰেশ্বেটকিনাই কৈছিল যে ছবিখন ‘য়েলৎচিন চেণ্টাৰ-ব্ৰেণ্ডেড কলমেৰে’ নষ্ট কৰা হৈছিল। ঘটনাটোৰ পাছত, আৰক্ষীয়ে তদন্ত আৰম্ভ কৰে৷ তদন্তৰ ভিত্তিত নিৰাপত্তাৰক্ষীজনে ৩৯,৯০০ টকা জৰিমনা পৰিশোধ কৰাৰ লগতে আৰু এবছৰৰ কাৰাদণ্ড বিহা হয়। তথ্য অনুসৰি, ভাৰতীয় মূল্যত ২,৪৯,৫০০ টকাৰ ক্ষতি হয় পেইণ্টিংখনৰ৷ ছবি বিশেষজ্ঞসকলৰ মতে, ছবিখন পুনৰ আগৰ দৰে কৰিবলৈ প্ৰয়াস কৰা হৈছে৷