লোভে পাপ পাপে মৃত্যু, ১৮ লাখটকীয়া গাড়ী ক্ৰয় কৰি গ্ৰেপ্তাৰ চকীদাৰ

ডিজিটেল ডেস্ক : পুনৰ খাকী পোছাকত কালিমা সানিলে একাংশ আৰক্ষীয়ে। দীৰ্ঘ সময়ৰে পৰা অবৈধভাৱে বালি মাফিয়াৰ পৰা সংগ্ৰহ কৰি আহিছিল বিপুল পৰিমাণৰ ধন। ইতিমধ্যে পাটনা আৰক্ষীয়ে গ্ৰেপ্তাৰ কৰে দুৰ্নীতিগ্ৰস্ত ৪জন জোৱানৰ লগতে এজন চকীদাৰ আৰু এজন গাড়ী চালকক। উল্লেখ্য যে, বহুদিনৰ পৰা পাটনাৰ কাষৰীয়া বিহতাত বালি মাফিয়াৰ পৰা অবৈধভাৱে উৎকোচ লৈ আহিছিল অভিযুক্তকেইজনে। পাটনাৰ এছএছপি মানৱ জিত সিং ধিলনে সংবাদমেলযোগে সদৰী কৰে যে বালি মাফিয়াৰ দ্বাৰা ট্ৰাকসমূহ পাৰ হৈ যোৱাৰ বিনিময়ত ধন সংগ্ৰহ কৰা বিহতা আৰক্ষী থানাৰ ছয়জন আৰক্ষীক ইতিমধ্যে গ্ৰেপ্তাৰ কৰি উচিত তদন্তৰ ক্ষেত্ৰত পাটনা এছএছপিয়ে এক গুৰুত্বপূৰ্ণ ব্যৱস্থা গ্ৰহণ কৰাৰ কথা জনাইছে। জানিব পৰা মতে, চকীদাৰজনে অলপতে তেওঁৰ ক'লা ধনেৰে এখন ১৮ লাখটকীয়া স্কৰপিঅ’ গাড়ী ক্ৰয় কৰাৰ লগতে পঞ্জাৱ নেচনেল বেংকৰ একাউণ্টত জমা কৰিছিল ৯ লাখ ৫০ হাজাৰ টকা। এই সকলোবোৰ উৎকোচৰ লোৱা ধনৰে অংশ বুলি সন্দেহ কৰিছে আৰক্ষী বিষয়াগৰাকীয়ে। পাটনাৰ এছএছপি মানৱজিৎ সিঙে কৈছিল যে অৰ্থনৈতিক অপৰাধ গোটে তদন্ত আৰম্ভ কৰিছে। এছএছপি মানৱজিৎ সিং ধিলনে কৈছিল যে সংশ্লিষ্ট আৰক্ষী থানাক অবৈধভাৱে বালি খননৰ ওপৰত ব্যৱস্থা ল'বলৈ নিৰ্দেশ দিয়া হৈছিল, যাৰ ভিত্তিত আৰক্ষীয়ে ইতিমধ্যে তৎপৰতাৰে ব্যৱস্থা গ্ৰহণ কৰিছে। প্ৰমাণৰ ভিত্তিত, আৰক্ষী থানাৰ সৈতে জড়িত ছয়জন লোকক গ্ৰেপ্তাৰ কৰা হৈছে। পাটনাৰ এছএছপি মানৱজিৎ সিঙে সদৰী কৰা তথ্য অনুসৰি ইয়াত মুখ্য ভূমিকা আছিল চকিদাজনৰ। তেওঁৰ বেংক একাউণ্টৰ তথ্য আহৰণ কৰাৰ পাছত তেওঁৰ পঞ্জাব নেচনেল বেংক একাউণ্টত ১০ লাখ টকা জমা কৰা কথা পোহৰলৈ আহিছিল। ইয়াৰ উপৰি গৃহৰক্ষী জোৱান আৰু চালকজনৰ সম্পত্তি তদন্ত অব্যাহত ৰাখিছে বিহাৰ আৰক্ষীয়ে।