ডিজিটেল ডেস্ক : আদবাটতে গাড়ী ৰখাই এম্বুলেন্সক বাট এৰি দিলে মুখ্যমন্ত্ৰী যোগী আদিত্যনাথে। উত্তৰ প্ৰদেশত দ্বিতীয়বাৰলৈ মুখ্যমন্ত্ৰীৰ আসন দখল কৰিবাল সক্ষম হোৱা যোগী আদিত্যনাথৰ এই পদক্ষেপে এতিয়া প্ৰশংসা লাভ কৰিছে। যান-বাহন আৰক্ষীৰ ডিচিপি সুভাষ চন্দ্ৰ শাক্যই এই বিষয়ে প্ৰকাশ কৰি আজি কয় যে, কালি ৰাজভৱনৰ সমীপত এই ঘটনা সংঘটিত হৈছিল।
মুখ্যমন্ত্ৰীয়ে তেওঁৰ কনভয়ৰ সৈতে হজৰতগঞ্জৰ পৰা বান্দৰীয়াবাগলৈ যোৱাৰ পথতে তেওঁ এখন এম্বুলেন্সক বাট এৰি দিয়াৰ বাবে কনভয় ৰখাই দিয়ে। মুখ্যমন্ত্ৰীৰ ভ্ৰমণৰ বাবে আন য়ান-বহানৰ লগতে এখন এম্বুলেন্সো আবদ্ধ হৈ পৰিছিল মাজ পথতে। যেতিয়াই মুখ্যমন্ত্ৰী আদিত্যনাথে তেওঁৰ কনভয়ক বাট এৰি দিয়াৰ বাবে এম্বুলেন্সখন আবদ্ধ হৈ থকা দেখিবলৈ পায় তেতিয়াই তেওঁ নিৰাপত্তাৰক্ষীক গাড়ী ৰখাবলৈ নিৰ্দেশ দিয়ে আৰু এম্বুলেন্সখনক বাট এৰি দিয়ে। মু্খ্যমন্ত্ৰী আদিত্যনাথৰ এই পদক্ষেপক বিভিন্নজন প্ৰত্যক্ষদৰ্শী তথা অন্যান্যসকলে প্ৰশংসা কৰিছে।
Continue Reading
