এসময়ত আছিল টকলা; এতিয়া এইজন যুৱকে ডাঠ,ৰেচমী চুলিৰে যুৱতীক পেলাইছে লাজত!

ডিজিটেল ডেস্কঃ ছোৱালীবোৰে তেওঁলোকৰ সৌন্দৰ্য বৃদ্ধিৰ আটাইতকৈ বেছি যত্ন লোৱা এটা বস্তু হ'ল তেওঁলোকৰ চুলি। চুলি সুন্দৰকৈ ৰাখিবলৈ ছোৱালীয়ে বহুতো ঘৰুৱা প্ৰতিকাৰৰ লগতে ব্যয়বহুল সামগ্ৰীও ব্যৱহাৰ কৰে। ইংলেণ্ডৰ এগৰাকী ২৬ বছৰীয়া যুৱকে নিজ চুলিৰে সকলোকে কৰিছে আকৰ্ষণ। যুৱকজনৰ নাম প্ৰণৱ বিজি। প্ৰণৱ বিজিৰ চুলি দেখি যিকোনো যুৱতী হতবাক হৈ উঠে। প্ৰণৱ বিজিৰ চুলিৰ দৈৰ্ঘ্য ২ ফুট। এখিনি ডাঠ আৰু চিকচিকিয়া চুলিৰ অধিকাৰী প্ৰণৱ। ভাৰতীয় মূলৰ প্ৰণৱৰ ধুনীয়া চুলি দেখি আপুনি আচৰিত হ'ব যে তেওঁ এসময়ত টকলা আছিল।

প্ৰণৱে এই অত্যন্ত ডাঠ আৰু চিকচিকিয়া চুলিৰ বাবে মাত্ৰ ৩ টা মৌলিক সামগ্ৰী ব্যৱহাৰ কৰে।চুলিৰ মান উন্নত কৰিবলৈ তেওঁ ২০১৭ চনত মুণ্ডন কৰিছিল। যেতিয়া তেওঁৰ চুলি পুনৰ গজিল তেতিয়া তেওঁ দিনটোৰ প্ৰায়খিনি সময় চুলিৰ যত্নত কটাইছিল।

বিশ্ববিদ্যালয়ৰ ছাত্ৰ প্ৰণৱে প্ৰায় ৪ বছৰ ধৰি চুলিৰ প্ৰতি ভালকৈ মনোযোগ দিছিল। ফলস্বৰূপে তেওঁৰ চুলি এতিয়া প্ৰায় ২ ফুট দীঘল। প্ৰণৱে নিজৰ চুলিকোচা সুন্দৰ হোৱাৰ ৰহস্য খোলোচা কৰিছে।

আৰু পঢ়কঃ ষ্টেনফ’ৰ্ডলৈ গৈছিল দুই ভাৰতীয় ছাত্ৰ; পঢ়া আধাতে এৰি আহি দেশত লগাইছে তোলপাৰ!

প্ৰণৱে কয় যে তেওঁ চুলিৰ যত্ন ল'বলৈ ৰাসায়নিক সামগ্ৰী ব্যৱহাৰ কৰা একেবাৰে বাদ দি কেৱল ৩ টা মৌলিক বস্তু ব্যৱহাৰ কৰে- চেম্পু, কণ্ডিচনাৰ আৰু তেল। চুলিৰ সৌন্দৰ্য সম্পৰ্কে তেওঁ কয় যে তেওঁ চুলি বহুত ভাল পায় আৰু চুলিৰ যত্ন ল'বলৈ ভালপায়। চুলি ভালদৰে ৰাখিবৰ বাবে প্ৰণৱে সপ্তাহত এবাৰ বা দুবাৰহে চুলি ধোৱে কাৰণ চুলি বেছিকৈ ধুই থাকিলে চুলিৰ তৈল গুণ নষ্ট হয়। প্ৰণৱে এতিয়া মডেলিং জগতত ভৰি থোৱাৰ কথা চিন্তা-চৰ্চা কৰি আছে।