ডিজিটেল ডেস্কঃ আমেৰিকাৰ দাবী, মৃত্যু হৈছে আল-জাৱাহিৰী। দেওবাৰে কাবুলৰ ঘাটিত বাৰান্দাত থিয় হৈ থকা অৱস্থাত ড্ৰ’ন আক্ৰমণত নিহত হৈছিল আল-জাৱাহিৰিৰ। আমেৰিকাই জনোৱা অনুসৰি ওছামা বিন লাদেনৰ হত্যাৰ পাছত আল-কায়দাৰ বাবে আটাইতকৈ ডাঙৰ আঘাত আল-জাৱাহিৰিৰ মৃত্যু। কিন্তু আমেৰিকাৰ এই দাবী নস্যাৎ কৰিছে তালিবানে।
তালিবানৰ মতে আমেৰিকাৰ হাতত কোনো প্ৰমাণ নাই। কিন্তু ইয়াৰ বিপৰীতে আমেৰিকাৰ দাবী, যুক্তৰাষ্ট্ৰৰ দ্ৰোন আক্ৰমণৰ পাছত নীৰৱ ভূমিকা গ্ৰহণ কৰিছে তালিবানসকলে। আফগানিস্তানৰ ৰাজধানী কাবুলত আমেৰিকা যুক্তৰাষ্ট্ৰৰ এয়াৰষ্টিকত আল-কায়দাৰ মুৰব্বী আল-জাৱাহিৰিৰ হত্যাৰ বাতৰিত তালিবান হতবাক হৈ পৰিছে। কিন্তু তালিবানে নিজেই নাজানে যে অল-জাৱাহিৰি কাবুলত আছিল। সেয়েহে অল-জাৱাহিৰিৰ হত্যাই আফগানিস্তানত তালিবানৰ বিশ্বাসযোগ্যতাৰ বিষয়ে প্ৰশ্ন উত্থাপন কৰিছে।
যাৰ ফলত তেওঁলোকৰ চৰকাৰৰ স্বীকৃতি আৰু পলম হ’ব পাৰে। সেয়েহে তালিবানে এতিয়া ইয়াৰ সৈতে মোকাবিলা কৰিবলৈ এটা নতুন উপায় উলিয়াইছে। ৰাষ্ট্ৰসংঘত তালিবানৰ প্ৰতিনিধি সুহাইল শ্বাহিনৰ মন্তব্য যে ‘চৰকাৰ আৰু নেতৃত্বই কি দাবী কৰা হৈছে সেই বিষয়ে অৱগত নহয়। লগতে মৃত্যুৰ কোনো প্ৰমাণ নাই।” আমেৰিকা যুক্তৰাষ্ট্ৰৰ দাবীত কিমান সত্যতা আছে জানিবলৈ তদন্ত চলি আছে, ‘তদন্তৰ ফলাফল অতিশীঘ্ৰে ৰাজহুৱা কৰা হ'ব। লগতে তালিবানে আমেৰিকা যুক্তৰাষ্ট্ৰৰ দ্ৰোন আক্ৰমণৰ প্ৰতি কেনেদৰে প্ৰতিক্ৰিয়া দিব লাগে তাৰ বাবেও আলোচনা কৰা বুলি শ্বাহিনে জনায়।
Continue Reading
