ডিজিটেল ডেস্কঃ বিশ্বকাপৰ ফাইনেলৰ অন্ত পৰাৰ চাৰিদিনো পাৰ হোৱা নাই। পুনৰ দেখা যাব ভাৰত বনাম অষ্ট্ৰেলিয়াৰ যুঁজ। এইবাৰ দুয়োখন দেশে টি-২০ ফৰ্মেটত খেলিব। বিশ্বকাপত খেলা অষ্ট্ৰেলিয়াৰ ৮ গৰাকী ক্ৰিকেটাৰ টি-২০ দলত আছে। সেই দলটোত তেওঁ নাই। অৱশ্যে ভাৰতৰ বিৰুদ্ধে পুনৰ খেলাটোক মাৰ্নাছ লাবুচেনে বিৰক্ত অনুভৱ কৰে। অষ্ট্ৰেলিয়াৰ ক্ৰিকেটাৰগৰাকীয়ে অসন্তুষ্টি প্ৰকাশ কৰে।
দেশলৈ উভতি অহাৰ সময়ত লাবুচেনে কয়, ‘কাইলৈ আৰু এখন মেচ আছে বুলি ভাবি মই আচৰিত হৈছো। এইটো কেনেকৈ সম্ভৱ সেয়া বুজি পোৱা নাই।’
অৱশ্যে ক্ৰিকেটৰ বৰ্তমানৰ সূচীত এনে ঘটনাক লৈ আচৰিত হ’বলগীয়া একো নাই বুলি লাবুচেনে অনুভৱ কৰিছে। ৩ ডিচেম্বৰত ভাৰত ভ্ৰমণ সমাপ্ত হোৱাৰ পিছত ১৪ ডিচেম্বৰৰ পৰা ঘৰুৱা ক্ষেত্ৰত পাকিস্তানৰ বিৰুদ্ধে টেষ্ট শৃংখলা খেলিব। ফলত জিৰণিৰ সময় বহুত কম হয়।
লাবুশ্বানে কয়, “ক্ৰিকেটৰ বৰ্তমানৰ সময়সূচী সেইটোৱেই। এই মুহূৰ্তত ইয়াক ক্ৰিকেট হিচাপে গ্ৰহণ কৰিব লাগিব। আমাৰ মাজৰ দুই এজনে এতিয়াও টেষ্ট শৃংখলাৰ আগতে তিনি সপ্তাহৰ জিৰণি লৈছো। গতিকে সতেজ হৈ খেলপথাৰত উঠি পৰৱৰ্তী প্ৰত্যাহ্বানৰ সন্মুখীন হোৱাৰ উপায় আছে।”
Continue Reading
