ডিজিটেল ডেস্কঃ বিশ্বকাপত জয়ী নোহোৱাৰ বাবে ৰোহিত শৰ্মাক সমালোচনা কৰাত ব্যস্ত হৈ পৰিছে দেশৰ ক্ৰিকেটপ্ৰেমীৰ এটা অংশ। কিন্তু সীমান্তৰ সিপাৰৰ পৰা আহিছিল তেওঁলোকৰ বাবে প্ৰশংসা। পাকিস্তানৰ নতুন টি-২০ অধিনায়ক শ্বাহীন আফ্ৰিদীয়ে ভাৰতীয় দলৰ প্ৰদৰ্শনক প্ৰশংসা কৰে

Listen to Article

2 min read

80%

ডিজিটেল ডেস্কঃ বিশ্বকাপত জয়ী নোহোৱাৰ বাবে ৰোহিত শৰ্মাক সমালোচনা কৰাত ব্যস্ত হৈ পৰিছে দেশৰ ক্ৰিকেটপ্ৰেমীৰ এটা অংশ। কিন্তু সীমান্তৰ সিপাৰৰ পৰা আহিছিল তেওঁলোকৰ বাবে প্ৰশংসা। পাকিস্তানৰ নতুন টি-২০ অধিনায়ক শ্বাহীন আফ্ৰিদীয়ে ভাৰতীয় দলৰ প্ৰদৰ্শনক প্ৰশংসা কৰে।

বিশ্বকাপৰ ফাইনেলৰ পুৱাৰে পৰা গলফ খেলত ব্যস্ত আছিল বাবৰ আজম। অৱশ্যে টেলিভিছনৰ পৰ্দাত ভাৰত-অষ্ট্ৰেলিয়াৰ মেচখনৰ ওপৰত শ্বাহীনৰ দৃষ্টি আছিল। পাকিস্তানৰ শক্তিশালী বলাৰগৰাকীয়ে ৰোহিত শৰ্মাৰ সৈতে পেট কামিন্সৰ যুঁজ উপভোগ কৰে। খেলখন চোৱাৰ পাছতে ছ’চিয়েল মিডিয়াত অভিনন্দন জ্ঞাপন কৰে বিশ্বকাপৰ চেম্পিয়ন আৰু ৰানাৰ্চআপক।

অষ্ট্ৰেলিয়ান দলটোৰ বিষয়ে শ্বাহিনে লিখিছে, “বিশ্বকাপ জয় কৰাৰ বাবে অষ্ট্ৰেলিয়ালৈ অভিনন্দন। ফাইনেলত তেওঁলোক নিশ্চিতভাৱে এটা ভাল দল আছিল।'' ভাৰতীয় দলটোকো প্ৰশংসা কৰে শ্বাহীনে। ৰোহিতৰ বিষয়ে তেওঁ লিখিছে, “ভাৰতৰ বাবে দুৰ্ভাগ্যজনক। গোটেই প্ৰতিযোগিতাখনত তেওঁলোকে ভাল ক্ৰিকেট খেলিছিল।''

এইবাৰ বিশ্বকাপত ভাল প্ৰদৰ্শন নকৰিলে পাকিস্তানে। লীগৰ ৯খন খেলৰ ভিতৰত ৫খন খেলত পৰাস্ত হৈছে। দলটো ঘৰলৈ উভতি অহাৰ পিছত বাবৰে নেতৃত্বৰ পৰা পদত্যাগ কৰে। শ্বাহীনক টি-২০ দলৰ নতুন অধিনায়ক হিচাপে নিযুক্তি দিয়া হৈছে।