ডিজিটেল ডেস্কঃ অষ্ট্ৰেলিয়াই বিশ্বকাপৰ ফাইনেল খেলিবলৈ যোৱাৰ আগদিনা ভাৰতক পৰাস্ত কৰাৰ পৰিকল্পনা কৰিছিল। মাত্ৰ টছত জয়ী হোৱাৰ প্ৰয়োজন আছিল। সেইটোৱে পেট কামিন্সৰ বাবে বাকী কামটো সহজ কৰি তুলিলে। খেলপথাৰলৈ নামি নিজৰ পৰিকল্পনা ৰূপায়ণ কৰাটো প্ৰয়োজনীয় আছিল। অষ্ট্ৰেলিয়াৰ বেটছমেন আৰু বলাৰসকলে সেই কথা দেখুৱাইছে। গতিকে তেওঁলোকে ষষ্ঠবাৰৰ বাবে বিশ্ব চেম্পিয়ন হৈছিল।
কামিন্সে টছত জয়লাভ কৰি প্ৰথমে বলিং কৰিবলৈ বাছি লয়। সেই সময়ত এই সিদ্ধান্তক সমালোচনা কৰা হৈছিল যদিও পিছত অষ্ট্ৰেলিয়াৰ অধিনায়কগৰাকীয়ে কয় যে সেই সিদ্ধান্তৰ আঁৰত বহু কাৰণ আছে। কামিন্সে কয়, ‘মই মেচৰ আগদিনা খেলপথাৰখন দেখিছিলো আৰু বুজি পাইছিলো যে দিনটোত এই খেলপথাৰত খেলাটো অতি কঠিন হ’ব। ৰ’দত ক্ৰমান্বয়ে পিটচ ভাঙি যাব। লেহেমীয়া হ’ব। কিন্তু হয়তো সন্ধিয়াৰ পিছত খেলখন সহজ হৈ পৰিব। সেইবাবেই মই বলিং কৰাৰ সিদ্ধান্ত লৈছিলো।’’
অৰ্থাৎ খেলৰ আগদিনা অষ্ট্ৰেলিয়াই খেলপথাৰ অধ্যয়ন কৰিছিল। তাতেই ভাৰতক পৰাস্ত কৰিছিল। টছত পৰাস্ত হৈ ৰোহিতে কয় যে জয়ী হ’লে বেটিং কৰিলেহেঁতেন। অৰ্থাৎ ভাৰতৰ পৰিকল্পনা আছিল প্ৰথমে বেটিং কৰা।
Continue Reading
