ডিজিটেল ডেস্কঃ গৰম পানীৰ বাল্টি এটাত মাত্ৰ এচামুচ নিমখ দি গা ধুবলৈ চেষ্টা কৰক। বহু সমস্যাৰ পৰা মুক্তি পাব পাৰে। এয়া এক প্ৰাচীন কৌশল। আচলতে নিমখত থকা মেগনেছিয়াম, কেলচিয়াম, ছডিয়াম আদি খনিজ পদাৰ্থই শৰীৰক বহু ধৰণৰ সংক্ৰমণৰ পৰা ৰক্ষা কৰে। ৰাতিপুৱা নিমখীয়া পানীৰে (Salt Water Bath Benefits) গা ধুলে গোটেই দিনটো শক্তিশালী হৈ থাকে।
গা ধোৱা নিমখৰ বৈজ্ঞানিক নাম মেগনেছিয়াম ছালফেট, যিটো মেগনেছিয়াম-চালফাৰেৰে গঠিত। ইয়াক এপচম নিমখ আৰু সাগৰীয় নিমখ বুলিও কোৱা হয়। এই নিমখ পানীত অতি সহজে দ্ৰৱীভূত হৈ ছালফেট আৰু মেগনেছিয়াম আইৰণ নিৰ্গত হয়। ইয়াৰ উপকাৰিতাৰ বিষয়ে জানি লওক।
১) মুখ জিলিকি থাকেঃ পানীত নিমখ মিহলাই গা ধুলে ছালৰ পৰা মলি সঠিকভাৱে পৰিষ্কাৰ হয়। ইয়াৰ ফলত মুখমণ্ডলত জিলিকি উঠে আৰু মৃত কোষবোৰ সম্পূৰ্ণৰূপে আঁতৰাই পেলোৱা হয়। ইয়াৰ দ্বাৰা গৰমৰ দিনত ঘামচিৰ ফলত হোৱা ছালৰ সংক্ৰমণ যেনে ৰিংৱৰ্ম, খজুৱতি আৰু খৰ আদি দূৰ কৰিব পাৰি। শীতকালতো ইয়াৰ বহু উপকাৰ আছে।
২) গাঁঠিৰ বিষৰ পৰা সকাহঃ প্ৰতিদিনে যদি ইফালে সিফালে দৌৰাৰ ফলত শৰীৰত বিষ হয় তেন্তে গৰম পানীত এচামুচ নিমখ দি গা ধুব লাগে। ইয়াৰ ফলত বিষ নাইকিয়া হ’ব পাৰে। ইয়াৰ উপৰিও বাতবিষ, গাঁঠিৰ বিষ, আঁঠু আৰু কঁকালৰ বিষৰ পৰাও সকাহ দিয়ে। গৰম পানীত নিমখ দি গা ধুলেও দীৰ্ঘদিনীয়া ফুলা কমিব পাৰে।
৩/ ৰোগ প্ৰতিৰোধ ক্ষমতা বৃদ্ধিত সহায়কঃ নিমখীয়া পানীয়ে ৰোগ প্ৰতিৰোধ ক্ষমতা বৃদ্ধিকাৰী হিচাপে কাম কৰে। ইয়াৰ ফলত ৰোগবোৰ আঁতৰত থাকে। নিমখীয়া পানীত প্ৰদাহ নিবাৰণকাৰী গুণ আছে যিয়ে শৰীৰক শক্তিশালী কৰে। নিমখীয়া পানীত থকা এন্টি-বেক্টেৰিয়েল গুণে বিপজ্জনক অণুজীৱ নিৰ্মূল কৰাত সহায় কৰে। এই পানীৰে গা ধুলে শৰীৰটো ফিট হৈ থাকে।
৪/ মানসিক চাপৰ পৰা মুক্তি পাবঃ নিমখীয়া পানীৰে গা ধুলে ভাগৰ আৰু মানসিক চাপৰ পৰা উপশম পোৱা যায়। অত্যধিক মানসিক চাপৰ ক্ষেত্ৰত নিমখীয়া পানীয়ে মানসিক চাপ বৃদ্ধিকাৰী হিচাপে কাম কৰে। এই পানীৰে স্নান কৰিলে হৃদয় আৰু মনত অতিশয় শান্তি পোৱা যায়। ইয়াৰ ফলত গোটেই দিনটো ভাগৰ দূৰ হ’ব পাৰে।
নিমখীয়া পানী কেনেকৈ বনাব
বাথটাবত গৰম পানী লৈ তাত দুকাপ এপচম নিমখ দি ১৫-২০ মিনিট তিয়াই থব। ইয়াৰ পিছত তাত এনেদৰে বহিব যাতে পিঠিখন তিতি যায়। এই ধৰণৰ চিকিৎসাৰ দ্বাৰা বহু উপকাৰ পোৱা যায়। অৱশ্যে ব্যৱহাৰ কৰাৰ আগতে চিকিৎসকৰ পৰামৰ্শ ল’ব লাগে।
Continue Reading
