ডিজিটেল ডেস্ক: যুদ্ধৰ বিভীষিকাই ৰেহাই দিয়া নাই কাকো৷ গাজাত এতিয়া মৃত্যুৰ কিৰীলি৷ উফৰি আহে বতাহত মৰণকাতৰ আৰ্তনাদ৷ শেহতীয়াকৈ জনপ্ৰিয় ইজৰাইলী টিভি অনুষ্ঠান ‘ফৌডা’ৰ এজন সদস্য গাজাত নিহত হোৱাৰ খবৰ পোৱা গৈছে।
‘দ্য জেৰুজালেম পোষ্ট’ৰ বাতৰি অনুসৰি, ইজৰাইলৰ ৫৫১সংখ্যক ব্ৰিগেডৰ ৬৯৭সংখ্যক বেটেলিয়নৰ এজন সংৰক্ষক আৰু অনুষ্ঠানটোত শ্বোটোৰ মাতান মেইৰক গাজাত কৰ্তব্যৰত হৈ মৃত্যু হোৱা সৈনিকসকলৰ আইডিএফ তালিকাত ঘোষণা কৰা হৈছিল৷
‘ফৌদা’ৰ ছ’চিয়েল মিডিয়া গোটেও এটা বিবৃতি প্ৰকাশ কৰি মতন মেইৰৰ মৃত্যুৰ কথা ঘোষণা কৰিছিল। পোষ্টটোত ‘ফৌদা’ কৰ্তৃপক্ষই লিখিছে— গাজাত আমাৰ ফৌদা পৰিয়ালৰ এজন সদস্য মাতন মেইৰ নিহত হোৱাৰ কথা জনাবলৈ গৈ আমি ব্যথিত হৈছোঁ৷ মতান আমাৰ এজন অবিচ্ছেদ্য সদস্য আছিল। এই শোকাৱহ ক্ষতিৰ দ্বাৰা কলা-কুশলী আৰু কৰ্মচাৰীসকলৰ হৃদয় বিষাদেৰে ভৰি পৰিছে। আমি মতনৰ পৰিয়াল আৰু বন্ধুবৰ্গলৈ সমবেদনা জ্ঞাপন কৰিছোঁ। তেওঁৰ আত্মাই শান্তি লাভ কৰক৷
মেইৰ আছিল ওডেমৰ বাসিন্দা৷ ‘ফৌদা’ৰ সদস্যই আইডিএফৰ ৫৫১সংখ্যক ব্ৰিগেডৰ ৬৯৭সংখ্যক বেটেলিয়নত যুঁজ দিছিল।
‘ফৌদা’ৰ উপৰি মেইৰ ‘দ্য কপছ’কে ধৰি অন্যান্য অনুষ্ঠানৰ প্ৰযোজনাতো জড়িত আছিল।
হামাছে ৭ অক্টোবৰত ইজৰাইলৰ ওপৰত আক্ৰমণ আৰম্ভ কৰিছিল। ইয়াৰ পাছত ইজৰাইলে হামাছৰ ওপৰত প্ৰতি-আক্ৰমণ আৰম্ভ কৰে আৰু সন্ত্ৰাসবাদী দলটোক ধ্বংস কৰাৰ প্ৰতিশ্ৰুতি দিছিল৷
Continue Reading
