ডিজিটেল ডেস্ক: গৌৰীসাগৰত নিশা সংঘটিত হৈছে ডকাইতি ঘটনা। ব্ৰইলাৰ কঢ়িওৱা এখন গাড়ী হাইজেক কৰে সাতজনীয়া ডকাইতৰ দলে। গাড়ীখনৰ নম্বৰ AS-05-C-7289।
হাতত মাৰণাস্ত্ৰ লৈ আৰটিগা গাড়ীয়ে আগচি ধৰে ব্ৰইলাৰ কঢ়িওৱা বলেৰ' মেক্স গাড়ীখন। জাঁজী ফুলপানীছিগাৰ ৰাষ্ট্ৰীয় ঘাইপথত নিশা প্ৰায় ডেৰ বজাত সংঘটিত হৈছে এই ঘটনা।
ডকাইতৰ দলে ব্ৰইলাৰ কঢ়িয়াই অনা জয়চন্দ্ৰ শইকীয়া, কৃষ্ণমণি শইকীয়া, ক্ষীৰোদ চেতিয়াক চকু বান্ধি আৰটিগা গাড়ীত সুমুৱাই মৰাণ অভিমুখে লৈ যায়।
ডকাইতৰ দলে তিনি যুৱকক মৰাণ বাইপাছত পুৱতি নিশা মুকলি কৰি দিয়ে।
আনহাতে ব্ৰইলাৰ কঢ়িওৱা বলেৰ' মেক্স গাড়ীখন আজি পুৱা ডিমৌৰ সমীপৰ ৰাষ্ট্ৰীয় ঘাইপথৰ কাষত উদ্ধাৰ হয়। ডকাইতৰ দলে গাড়ীত থকা প্ৰায় ১৭ কুইণ্টল ব্ৰইলাৰ লৈ উধাও হয়।
ঘটনাৰ পিছতে ভুক্তভোগী ব্যৱসায়ী কুমুদ গগৈয়ে গৌৰীসাগৰ আৰক্ষী থানাত এজাহাৰ দাখিল কৰিছে।
Continue Reading
