গীনিজ ৱৰ্ল্ড ৰেকৰ্ডছৰ স্বীকৃতি; বিশ্বৰ আটাইতকৈ চাপৰ কিশোৰ কাঠমাণ্ডুৰ ডৰ বাহাদুৰ

ডিজিটেল ডেস্ক: গীনিজ ৱৰ্ল্ড ৰেকৰ্ডছৰ দ্বাৰা বিশ্বৰ আটাইতকৈ চাপৰ কিশোৰ হিচাপে মনোনীত হৈছে নেপালৰ কাঠমাণ্ডুৰ ১৭ বছৰীয়া ডৰ বাহাদুৰ খাপাংগী৷ ২০০৪ চনৰ ১৪ নৱেম্বৰত ডৰ বাহাদুৰ খাপাংগীৰ জন্ম হৈছিল৷ গীনিজ ৱৰ্ল্ড ৰেকৰ্ডছ কৰ্তৃপক্ষৰ মতে, ২৩ মাৰ্চত কাঠমাণ্ডুত তেওঁৰ শৰীৰৰ জোখ লোৱা হৈছিল আৰু উচ্চতা ৭৩.৪৩ ছেমি (২ ফুট ৪.৯ ইঞ্চি) পোৱা গৈছিল।

জিডব্লিউআৰ-ৰ মতে, কাঠমাণ্ডুত অনুষ্ঠিত এক অনুষ্ঠানত খাপাংগীক নেপাল পৰ্যটন ব’ৰ্ডৰ মুখ্য কাৰ্যবাহী বিষয়া ধনঞ্জয় ৰেগমীয়ে এখন প্ৰমাণপত্ৰ প্ৰদান কৰে। কিশোৰজনে কাঠমাণ্ডুৰ পৰা প্ৰায় ১৩০ কিলোমিটাৰ দক্ষিণ-পূবত সিন্ধুলী জিলাত মাক-দেউতাক আৰু চিবিলিংৰ সৈতে বাস কৰে। তেওঁ কৃষকপিতৃৰ কনিষ্ঠ পুত্ৰ আৰু গাঁৱৰে বিদ্যালয়ত অধ্যয়ন কৰে।

তেওঁৰ ভাতৃয়ে আশা কৰে যে গীনিজ ৱৰ্ল্ড ৰেকৰ্ডছৰ দ্বাৰা লাভ কৰা খাপাংগীৰ স্বীকৃতিয়ে তেওঁৰ স্কুলীয়া শিক্ষাত সহায় কৰিব। তেওঁৰ ভাতৃ নাৰা ভাদুৰ খাপাংগীয়ে কয়, ডৰ বাহাদুৰৰ জন্মৰ সময়ত সকলো ঠিকেই আছিল। অৱশ্যে তেওঁ সাত বছৰ বয়সৰ পৰা বৃদ্ধি হোৱা নাছিল। তেওঁৰ সমবয়সীয়াসকল বাঢ়ি আহিছিল কিন্তু ডৰ বাহাদুৰ ৰৈ গৈছিল৷ কিন্তু কিয়, সেয়া আমি নাজানো৷

এই অভিলেখটো পূৰ্বতে নেপালৰ খাগেন্দ্ৰ থাপা মাগৰৰ নামত স্বীকৃত আছিল। ১৯৯২ চনৰ অক্টোবৰত জন্ম গ্ৰহণ কৰা খাগেন্দ্ৰৰ উচ্চতা আছিল ৬৫.৫৮ চেমি (২ ফুট ১.৮ ইঞ্চি)। খাগেন্দ্ৰ ১৮ বছৰ বয়সত আটাইতকৈ চাপৰ জীৱিত ব্যক্তি হিচাপে স্বীকৃত হৈছিল৷ দুখৰ বিষয় যে ২০২০ চনত ২৭ বছৰ বয়সত তেওঁৰ মৃত্যু হৈছিল।

জিডব্লিউআৰ-ৰ মতে, ৩৬ বছৰীয়া কলম্বিয়ান এডৱাৰ্ড হাৰ্নান্দেজ হৈছে ২ ফুট ৪.৩৯ ইঞ্চি (৭২.১০ চেমি)ত জীৱিত আটাইতকৈ চুটি ব্যক্তি, যিয়ে তেওঁ ২০১০ৰ ১৩ এপ্ৰিলৰ পৰা এই অভিলেখ বাহাল ৰাখিবলৈ সক্ষম হৈছে৷