গ্ৰীষ্মৰ আৰম্ভৰ লগে লগে মহৰ প্ৰাদুৰ্ভাৱ বৃদ্ধি পায় সুৰক্ষাৰ বাবে এইকেইটা ঘৰুৱা উপায় অৱলম্বন কৰক

ডিজিটেল ডেস্ক : গ্ৰীষ্মৰ আৰম্ভৰ লগে লগে মহৰ প্ৰাদুৰ্ভাৱো বৃদ্ধি পায়। মহৰ উপদ্ৰৱত বেমাৰৰ আশংকাৰ উপৰি অতিষ্ঠ হৈ পৰে মানুহ। কাৰণ মহৰ বাবেই মেলেৰিয়া আৰু ডেংগুৰ দৰে ৰোগ এই সময়ত বৃদ্ধি পায়। এনে পৰিস্থিতিত মহৰ প্ৰাদুৰ্ভাৱৰ পৰা পৰিত্ৰাণৰ উদ্দেশ্যে কিছু ঘৰুৱা দিহাৰ বিষয়ে জানো আহক।

মহৰ খেদোৱাৰ ঘৰুৱা উপায়-

১. কৰ্পূৰ জ্বলাব পাৰেঃ-মহ ঘৰৰ পৰা বাহিৰ কৰিবলৈ কৰ্পূৰ ব্যৱহাৰ কৰিব পাৰে। কৰ্পূৰৰ গোন্ধ ইমানেই প্ৰবল যে মহ নোহোৱা ৰহোৱাৰ উপৰি ই এন্টিবেক্টেৰিয়েল আৰু বীজাণুনাশক হিচাপেও কাম কৰে। গতিকে মহ দূৰ কৰিবলৈ কৰ্পূৰ জ্বলাই চুক এটাত ৰাখি থওক। সকলো দুৱাৰ-খিৰিকী বন্ধ কৰি দিয়ক, মহ মৰি নোহোৱা হ’ব।

২. নিমৰ পাত জ্বলাব পাৰেঃ-নিমৰ পাত জ্বলোৱাটো অতি পুৰণি পদ্ধতি। এই পদ্ধতি অতি ফলপ্ৰসূ কাৰণ নিম বেক্টেৰিয়াবিৰোধী আৰু ইয়াৰ গোন্ধৰ পৰা মহ আঁতৰি যায়। গতিকে নিমৰ পাত লৈ জ্বলাই ধোঁৱাখিনি গোটেই ঘৰখনতে বিয়পাই দিব। ইয়াৰ দ্বাৰা মহ নোহোৱা হ’ব।

৩. শৰীৰত ঠাণ্ডা তেল লগাওকঃ-শৰীৰত ঠাণ্ডা তেল প্ৰয়োগ কৰিলে মহে কামোৰাৰ পৰা ৰক্ষা পৰে। এই তেলে শৰীৰত সুৰক্ষামূলক স্তৰৰ দৰে কাম কৰে আৰু ইয়াৰ গোন্ধে পোক-পৰুৱাক নোহোৱা কৰে। গতিকে শৰীৰত ঠাণ্ডা তেল লগাওক, উপকৃত হ’ব।

৪. লেমনগ্ৰাছ আৰু লং তেল লগাবঃ-লেমনগ্ৰাছৰ পাত কেইটামান লৈ নাৰিকল আৰু লং তেলত মিহলাই লওক। এতিয়া এই তেল আপোনাৰ শৰীৰত লগাওক। ইয়াৰ ফলত মহ কামুৰিব নোৱাৰে। কেৱল এয়াই নহয়, এই তেল আপোনাৰ ছালৰ বাবেও উপকাৰী আৰু বহু ধৰণৰ ছালৰ সংক্ৰমণ প্ৰতিৰোধ কৰাত সহায় কৰে। গতিকে মহৰ পৰা পৰিত্ৰাণ পাবলৈ আপুনিও এই ঘৰুৱা উপায় গ্ৰহণ কৰিব পাৰে।