গ্ৰীষ্মকালত তেঁতেলী পানীয়ে পাচনতন্ত্ৰ শক্তিশালী কৰি ৰাখে, টেঙা-মিঠা সোৱাদৰ ৰেচিপিটো জানো আহক

ডিজিটেল ডেস্ক : তেঁতেলী এবিধ এনেকুৱা খাদ্য, যাৰ সোৱাদ টেঙা-মিঠা। সেইবাবেই তেঁতেলীৰ নাম শুনিলেই সকলোৰে মুখত পানী ওলায়। কিন্তু আপুনি কেতিয়াবা তেঁতেলীৰ পানী বনাই পাইছেনে? যদি নাই তেন্তে আজি আমি আপোনালোকৰ বাবে তেঁতেলী পানী বনোৱাৰ ৰেচিপি লৈ আহিছো। এই পানীয়ে হজম শক্তি উন্নত কৰাৰ লগতে ডায়েবেটিছ আৰু ওজন নিয়ন্ত্ৰণতো সহায় হয়। কেৱল এয়াই নহয়, শৰীৰত তেজৰ অভাৱো দূৰ কৰে। গতিকে তেঁতেলী পানী কেনেকৈ প্ৰস্তুত কৰা হয় জানো আহক।

প্ৰয়োজনীয় উপাদান-

তেঁতেলী ২০০ গ্ৰাম, জিৰাৰ গুড়ি ১ চামুচ, ধনীয়াৰ গুড়ি ১ চামুচ, সোৱাদ অনুসৰি নিমখ, চাট মছলা ২ চামুচ, জলকীয়া পাউদাৰ ২ চামুচ,

চেনি ২ চামুচ, পদিনা চাটনি, ১ চামুচ, ধনীয়াৰ পাত ৩ চামুচ মিহিকৈ কাটি লওক।

তেঁতেলী পানী কেনেকৈ প্ৰস্তুত কৰিব?

তেঁতেলী পানী বনাবলৈ প্ৰথমে তেঁতেলী লৈ ১ কাপ গৰম পানীত তিয়াই ৰাখক এঘণ্টামান। ইয়াৰ পাছত পানীখিনি এটা সুকীয়া পাত্ৰত উলিয়াই লওক। তাৰ পাছত হাতেৰে তেঁতেলীখিনি উলিয়াই পৃথক পৃথক কৰি লওক। ইয়াৰ পাছত তেঁতেলী পানীখিনিত প্ৰায় ৬-৭ গিলাচ পানীত সকলো উপাদান ভালদৰে মিহলাই লওক। এতিয়া আপোনাৰ টেঙা-মিঠা তেঁতেলী পানী সাজু।