ডিজিটেল ডেস্কঃ ছেমি ফাইনেলত ভাৰতৰ ইনিংছ শেষ হোৱাৰ পিছতে টেলিভিছনত ধৰা পৰিছিল বিৰাট কোহলী। শচীন টেণ্ডুলকাৰৰ সন্মুখত নিজৰ বিশ্ব অভিলেখ ভংগ কৰাৰ অনুভৱ ক’লে।
"ভাল লাগিছে, ভাৱ হৈছে..." অনুভৱ ব্যক্তৰ আৰম্ভণিতেই কোহলীয়ে উচ্ছাসতে কথা হেৰুৱাই পেলালে। অলপ সময় ৰৈ আকৌ আৰম্ভ কৰিলে- ''গেলেৰীত আছিল শচীন পাজী। সেই মুহূৰ্তত মোৰ কেনে লাগিছিল বুজাব পৰা নাই। গেলেৰীত আছিল মোৰ জীৱনসংগী। আৰু ৱানখেদেৰ ইমানবোৰ অনুৰাগী। নাই, কেনে সুন্দৰ অনুভৱ মই ক'ব নোৱাৰো।''
শচীন টেণ্ডুলকাৰৰ অভিনন্দন সন্দৰ্ভত কোহলীয়ে কয়, ''আকৌ এবাৰ এই মহান ব্যক্তিজনে মোক অভিনন্দন জনালে। সপোনৰ দৰে। আমাৰ বাবে মেচখন অতি গুৰুত্বপূৰ্ণ আছিল। মই মোৰ ভূমিকা পালন কৰিবলৈ চেষ্টা কৰিলোঁ। যাতে আনসকলেও উইকেটলৈ আহি আৰামত থাকিব পাৰে। চাওক মোৰ বাবে দলীয় জয়ৰ বাহিৰে একোৱেই গুৰুত্বপূৰ্ণ নহয়। এই প্ৰতিযোগিতাত মোক যি দায়িত্ব দিয়া হৈছে তাক মই ভালদৰে কৰিবলৈ চেষ্টা কৰিছো। মেচৰ চৰ্ত আৰু দলৰ প্ৰয়োজন অনুসৰি খেলিব পৰাটো।’’
কোহলীয়ে নিজৰ দৃষ্টান্তমূলক দিনটোতো সতীৰ্থসকলক উপযুক্ত কৃতিত্ব দিবলৈ পাহৰা নাছিল- ''শ্ৰেয়াছ আয়াৰৰ কৃতিত্বও কম নহয়। তেওঁ অতি বেগেৰে ৰান কৰিছিল আৰু লোকেশ ৰাহুলে উজ্জ্বলভাৱে শেষ কৰিলে।''
Continue Reading
