ডিজিটেল ডেস্কঃ আহমেদাবাদত অনুষ্ঠিত হোৱা দুদিনীয়া গ্ল’বেল ফিচাৰিজ কনফাৰেন্স ইণ্ডিয়া ২০২৩ৰ সময়ত গুজৰাটৰ মুখ্যমন্ত্ৰী ভূপেন্দ্ৰ পেটেলে ঘোল মাছক গুজৰাটৰ ৰাজ্যিক মাছৰ মৰ্যাদা প্ৰদান কৰিছে। এই কাৰ্যসূচীত বহু গণ্যমান্য ব্যক্তি উপস্থিত থাকে। ভাৰতত পোৱা অন্যতম বৃহৎ মাছ হৈছে ঘোল মাছ। এই মাছ গুজৰাট আৰু মহাৰাষ্ট্ৰৰ সাগৰীয় অঞ্চলত সোণালী-বাদামী ৰঙৰ পোৱা যায়।
এই মাছটো অতি মূল্যৱান বুলি গণ্য কৰা হয়। ইয়াৰ চাহিদা অতি বেছি। ঘোল মাছ বিয়েৰ আৰু ৱাইন তৈয়াৰ কৰিবলৈও ব্যৱহাৰ কৰা হয়। এই মাছৰ এয়াৰ ব্লাডাৰ ঔষধত ব্যৱহাৰ কৰা হয়। ঘোল মাছৰ দেহৰ অংশ আৰু এয়াৰ ব্লাডাৰ পৃথকে পৃথকে বিক্ৰী কৰা হয়। মুম্বাইৰ পৰা এয়াৰ ব্লাডাৰ ৰপ্তানি কৰা হয়। সমগ্ৰ বিশ্বতে এই মাছৰ চাহিদা বেছি, যিটো ভাৰতে পূৰণ কৰে।
ঘোল মাছৰ দৈৰ্ঘ্য প্ৰায় ডেৰ মিটাৰ। যিমানেই দীঘলীয়া হ’ব সিমানেই ইয়াৰ দাম বেছি হ’ব। প্ৰতি ইউনিট দৈৰ্ঘ্যৰ ঘোল মাছৰ দাম ৫ লাখ টকা পৰ্যন্ত হ’ব পাৰে। ইমান বৃহৎ পৰিমাণৰ ধনেৰে এজন ব্যক্তিয়ে ইউৰোপ ভ্ৰমণ কৰিব পাৰে। ঘোল মাছ ধৰিবলৈ সক্ষম হোৱা মাছমৰীয়াই বছৰি লাখ লাখ টকা উপাৰ্জন কৰিব পাৰে। ঘোল মাছৰ ৰং সোণালী-বাদামী। ইয়াৰ বৈজ্ঞানিক নাম Protonibia diacanthus। ইয়াক ব্লেকস্পটেড ক্ৰ’কাৰ বুলিও কোৱা হয়। কেৱল এয়াই নহয়, একাংশ লোকে ইয়াক গল্ড ফিছ আৰু সোণৰ হৃদয় থকা মাছ বুলিও জানে।
দুদিনীয়া গ্ল’বেল ফিচাৰিজ কনফাৰেন্স ইণ্ডিয়া ২০২৩ৰ সময়ত কেন্দ্ৰীয় মন্ত্ৰী পৰশ্বোত্তম ৰূপালাই কয় যে কিছুদিনৰ পূৰ্বে মীন বিভাগৰ উদ্যোগত আয়োজিত এক কাৰ্যসূচীৰ জৰিয়তে মহাৰাষ্ট্ৰ আৰু উত্তৰ প্ৰদেশ চৰকাৰেও এই মাছক নিজ নিজ ৰাজ্যৰ ৰাজ্যিক মাছ হিচাপে ঘোষণা কৰিছিল।
Continue Reading
