ডিজিটেল ডেস্ক : ক'ভিডসৃষ্ট পৰিৱেশৰ বাবে এইবাৰ গণতন্ত্ৰ দিৱসৰ কাৰ্যসূচীত বান্ধি দিয়া হৈছে কঠোৰ নিয়মাৱলী৷ সীমিত অতিথি তথা জনসাধাৰণৰ অংশগ্ৰহণে এইবাৰ দিল্লীত অনুষ্ঠিত হ'ব গণৰাজ্য দিৱস৷ এইবাৰৰ অনুষ্ঠানত নাথাকিব কোনো বিদেশৰ মুখ্য অতিথিও৷ ইয়াৰ উপৰি এই বছৰৰ গণতন্ত্ৰ দিৱসৰ অনুষ্ঠানত ক'ভিডৰ সংক্ৰমণ বৃদ্ধিৰ হেতুকে দৰ্শকৰ মাজত কোনো শিশুক দেখিবলৈ পোৱা নাযাব। দিল্লী আৰক্ষীয়ে জাৰি কৰা নিৰ্দেশনাৱলী অনুসৰি ১৫ বছৰৰ তলৰ শিশুসকলক গণতন্ত্ৰ দিৱসৰ কুচকাৱাজত উপস্থিত থাকিবলৈ বাধা আৰোপ কৰিছে।
ইয়াৰ উপৰি যিসকল লোকে সম্পূৰ্ণৰূপে টিকাকৰণ কৰা হোৱা নাই, তেওঁলোকক ২৬ জানুৱাৰীত অনুষ্ঠানস্থলীত অনুমতি দিয়া নহ'ব। ইয়াৰ পৰাই জানিব পৰা গৈছে যে অনুষ্ঠানটোত ১৮ বছৰৰ তলৰ কোনো দৰ্শনাৰ্থী নাথাকিব কিয়নো এই মাহতহে ১৫ৰ পৰা ১৮ বছৰৰ ভিতৰত কিশোৰসকলৰ বাবে টিকাকৰণ অভিযান আৰম্ভ হৈছিল।
উল্লেখ্য যে, এই ক'ভিড নিৰ্দেশনাৱলীসমূহ পালন কৰাটো সকলোৰে বাবে বাধ্যতামূলক৷ লগতে মাস্ক পৰিধান কৰি সামাজিক দূৰত্ব বজাই ৰখাতো কঠোৰ লক্ষ্য ৰাখিব দিল্লী আৰক্ষীয়ে৷
Continue Reading
