ডিজিটেল ডেস্কঃ ৪ মহীয়া কেঁচুৱাসহ যোৱা ৮ আগষ্টত ঘৰৰপৰা নিৰুদ্দেশ হোৱা মহিলা উদ্ধাৰ।
তামুলপুৰৰ পূৱ গোৱাবাৰীত ঘৰৰ পৰা নিৰুদ্দেশ হৈছিল ৪মহীয়া কেঁচুৱা আৰু মাতৃ।
২৩ আগষ্টত পৱন বৰ্মনে সন্তানসহ পত্নী নিৰুদ্দেশ হোৱা বুলি আৰক্ষী থানাত এজাহাৰ দাখিল কৰে। সেই এজাহাৰৰ ভিত্তিত নাগ্ৰীজুলি আৰক্ষীয়ে উদ্ধাৰ কৰে পৱন বৰ্মনৰ পত্নীসহ ৪ মহীয়া কেঁচুৱাটিক। এই ঘটনা সন্দৰ্ভত এজন লোকক গ্ৰেপ্তাৰ কৰা হৈছে।
তামিলনাডুৰপৰা উদ্ধাৰ কৰা হৈছে নিৰুদ্দেশ হোৱা মহিলাসহ ৪মহীয়া কেঁচুৱাটো ।
৪ মহীয়া কেচুৱাসহ মহিলাগৰাকীক লৈ যোৱা গোৰেশ্বৰৰ ৰামছাঝাৰৰ ৰফিক আলীক গ্ৰেপ্তাৰ কৰে আৰক্ষীয়ে।
নাগ্ৰীজুলি আৰক্ষী চকীৰ আৰক্ষী বিষয়া চুচেন দাসৰ নেতৃত্বত অভিযান চলাই গ্ৰেপ্তাৰ কৰা হয় ৰফিক আলীক আৰু সন্তানসহ মহিলাগৰাকীক উদ্ধাৰ কৰা হয়।
আটকাধীন ৰফিক আলীক নাগ্ৰীজুলি আৰক্ষীয়ে এক গোচৰ ৰুজু কৰি প্ৰেৰণ কৰে জে'ল হাজোতলৈ ৷
ইপিনে উদ্ধাৰ হোৱা মহিলাসহ ৪ মহীয়া কেঁচুৱাটোক আৰক্ষীয়ে গতাই দিয়ে পৰিয়ালৰ লোকক ।
Continue Reading
