শ্ৰীভূমিত শ্ৰেণীকোঠাত একাদশ শ্ৰেণীৰ ছাত্ৰৰ পকেটৰ পৰা উদ্ধাৰ আগ্নেয়াস্ত্র

ডিজিটেল ডেস্ক: একাদশ শ্ৰেণীৰ ছাত্ৰৰ পকেটৰ পৰা উদ্ধাৰ এটা আগ্নেয়াস্ত্র। শ্ৰেণীকোঠাত ছাত্ৰ ৰ পকেত ৰ আগ্নেয়াস্ত্র উদ্ধাৰ লৈ তীব্ৰ চাঞ্চল্য। ঘটনাস্থলীত সদৰ আৰক্ষী উপস্থিত হৈ পিস্তল, ছাত্ৰ আৰু ছাত্ৰ ৰ পিতাক থানা লৈ যায়।

ঘটনা অনুসৰি শ্ৰীভূমি চহৰৰ ফ্ৰণ্টিয়াৰ ছিনিয়ৰ ছেকেন্ডেৰী বেচৰকাৰী বিদ্যালয়ৰ একাদশ শ্ৰেণীৰ পাঠদান চলি থকা সময়ত শ্যাম কুৰি নামৰ ছাত্ৰগৰাকীয়ে বাৰে বাৰে পকেটত হাত দি আছিল। এয়া দেখি শিক্ষকৰ সন্দেহ হয় সম্ভবত মোবাইল লৈ আহিছে বুলি। যিহেতু বিদ্যালয়ত মোবাইল ফোন নিষিদ্ধ। শিক্ষকে পকেত হাত দি দেখে এটা আগ্নেয়াস্ত্র।

খবৰ দিয়া হয় ছাত্ৰগৰাকীৰ অভিভাৱক আৰু আৰক্ষীক। আৰক্ষী উপস্থিত হৈ পিস্তলসহ ছাত্ৰ আৰু ছাত্ৰৰ পিতৃক থানালৈ যায়। বিদ্যালয়ৰ প্ৰধান শিক্ষকে কয় ছাত্ৰ শ্যাম কুৰিয়ে আৰক্ষীৰ আগত জানিব দিছে তেওঁ বিদ্যালয় অহাৰ সময়ত মুখত কাপোৰ বন্ধা এজন লোকে এই পিস্তলটো দি গৈছে আৰু তেওঁ আৰু তেওঁৰ পিতৃক প্ৰাণে মৰাৰ ভাবুকি দিছে।

এতিয়া আৰক্ষীৰ তদন্তত প্ৰকৃত ঘটনাৰ ৰহস্য উদ্ঘাটন হব। সন্দেহ আগ্নেয়াস্ত্রটো এয়াৰ গান। কিন্ত প্ৰশ্ন হয় স্কুলীয়া ছাত্ৰক কোনে এয়া যোগান দিছে।