ডিজিটেল ডেস্ক: দক্ষিণ কামৰূপৰ গৰৈমাৰীৰ জোৰশিমুলীত আৰক্ষীৰ বৃহৎ অভিযান। অভিযানত জব্দ হৈছে বৃহৎ পৰিমাণৰ হীৰা আৰু সোণৰ গহনা। জোৰশিমুলী আৰু ছয়গাঁও আৰক্ষীয়ে পুৱতি নিশা গোপন তথ্যৰ ভিত্তিত চলাইছিল অভিযান।
জোৰশিমুলীৰ শ্বেহেজুল হুছেইন শইকীয়াৰ ঘৰৰ খৰি ৰখা ঘৰৰ তুঁহৰ পৰা উদ্ধাৰ হৈছে ৩০ লক্ষাধিক টকাৰ সোণৰ গহনাৰ লগতে নগদ ৫ লাখ ৯০ হাজাৰ টকা।
ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া জয়ন্ত কাকতি আৰু জোৰশিমুলী আৰক্ষী থানাৰ ভাৰপ্ৰাপ্ত আৰক্ষী বিষয়া অঞ্জন শৰ্মা আৰু সহযোগীয়ে যৌথভাৱে চলাইছিল অভিযান ।
ইতিমধ্যে ঘটনাৰ সৈতে জড়িত থকাৰ সন্দেহত শ্বেহেজুল হুছেইন শইকীয়াক আটক কৰিবলৈ সক্ষম হৈছে। এই ঘটনাত আন কেইবাজন লোক জড়িত থকা বুলি সন্দেহ প্ৰকাশ কৰিছে আৰক্ষীয়ে।
তদন্তৰ খাতিৰত সাংবাদিকৰ আগত মুখ খোলা নাই আৰক্ষীয়ে। আৰক্ষীৰ তদন্ত সম্পূৰ্ণ হোৱাৰ পিছতহে উদ্ঘাটন হ'ব এই ঘটনাৰ প্ৰকৃত ৰহস্য।
Continue Reading
