ডিজিটেল ডেস্কঃ চৰ্চাত আহি পৰিছে পুনৰ এখন বলীউডৰ হাই প্ৰফাইল বিবাহ৷বলীউডৰ জ্যেষ্ঠ অভিনেতা ছাংকী পাণ্ডেৰ ভতিজা আলান্না পাণ্ডেৰ বিবাহে বৰ্তমান বলীউডত যথেষ্ট চৰ্চা লাভ কৰিছে৷ ২৭বছৰীয়া আলান্না পাণ্ডেয়ে ১৬ মাৰ্চত মুম্বাইত তেওঁৰ দীৰ্ঘদিনীয়া প্ৰেমিক আইভাৰ মেকক্ৰেৰ সৈতে বিবাহপাশত আৱদ্ধ হৈছিল। বিবাহৰ উৎসৱত আলান্নাৰ ভগ্নী অনন্যা পাণ্ডে আৰু সমগ্ৰ পাণ্ডে পৰিয়ালক ধৰি ঘনিষ্ঠ বন্ধু আৰু পৰিয়ালে অংশগ্ৰহণ কৰিছিল।
এই বিবাহ অনুষ্ঠানত বলীউডৰ কিং শ্বাহৰূখ খান আৰু শ্বাহৰূখৰ পত্নী গৌৰী খানো উপস্থিত হয়। খানদম্পতীৰ কেইবাটাও এই বিবাহ অনুষ্ঠানৰ ভিডিঅ' সামাজিক মাধ্যমত বিয়পি পৰিছে। এটা ভিডিঅ'ত, শ্বাহৰূখে কইনা আলান্না আৰু দৰা আইভাৰৰ সৈতে এক আকৰ্ষণীয় মুহূৰ্ত ভাগ বতৰা কৰাৰ ভিডিঅ’ সামাজিক মাধ্যমত অনুৰাগীসকলে আদৰি লৈছে। ভিডিঅ’টিত শ্বাহৰূখ খানে আলান্নাক বিবাহ অনুষ্ঠানত উষ্ম আলিঙ্গন কৰিছিল আৰু আলান্নাই শ্বাহৰূখ খানক বিবাহ অভ্যৰ্থনালৈ অহাৰ বাবে ধন্যবাদ জ্ঞাপন কৰা দেখা গৈছে৷
তাৰ পিছত কিং খানে কইনা আলান্নাৰ পিছফালে থিয় হৈ থকা দৰা আইভাৰক আলিঙ্গন কৰে। দম্পতীহালক আশীৰ্বাদ দিয়া শ্বাহৰূখ খানেও আইভাৰক মৰমেৰে পিঠিত চাপৰি মৰা দেখা গৈছিল। তদুপৰি উক্ত ভিডিঅ'টোতে গৌৰী আৰু আলান্নাই ইজনে সিজনক উষ্মভাৱে আলিঙ্গন কৰা দেখা গৈছিল।
সামাজিক মাধ্যমত আলান্নাৰ এই ভিডিঅ’ ভাইৰেল হৈ পৰাৰ পিছত ইণ্টাৰনেট জগতত যথেষ্ট কৌতূহল আৰু উৎসুকতাৰ সৃষ্টি কৰিছে৷বহু অনুৰাগীয়ে শ্বাহৰূখ খান দম্পতী বিবাহত উপস্থিত হোৱাৰ বাবে শ্বাহৰূখক বিশাল হৃদয়ৰ বুলি উল্লেখ কৰাৰ বিপৰীতে নৱবিবাহিত দম্পতী আলান্না আৰু আইভাৰক বিবাহৰ শুভেচ্ছা জ্ঞাপন কৰা দেখা গৈছে৷
Continue Reading
