ডিজিটেল ডেস্ক: অনলাইন জুৱাৰ বিজ্ঞাপন কৰি এতিয়া বিপদৰ মেৰপাকত সোমাল মোহময়ী অভিনেত্ৰী তামান্না ভাটিয়া । বৃহস্পতিবাৰে দিনৰ ১:২৫ বজাত ইডিৰ কাৰ্যালয়ত আহি উপস্থিত হয় অভিনেত্ৰীগৰাকী ৷ ঘণ্টা ঘণ্টা ধৰি খ্ৰীষ্টানবস্তিৰ EDৰ কাৰ্যালয়ত জেৰা তামান্নাক। এটা অবৈধ ক্ৰিকেটৰ অনলাইন বিজ্ঞাপনৰ হৈ প্ৰচাৰ চলাইছিল অভিনেত্ৰী তামান্নাই। পূৰ্বেও অনলাইন জুৱাৰ সন্দৰ্ভত জেৰাৰ সন্মুখীন হৈছিল অভিনেত্ৰীগৰাকী।
AS12 BC6327 নম্বৰৰ এখন বাণিজ্যিক বাহনত আহিছে অভিনেত্ৰীগৰাকী ৷ পিতৃ-মাতৃৰ সৈতে আহিছে তেওঁ গুৱাহাটীলৈ ৷নিশা 9 বজালৈকে ইডিয়ে তেওঁক ধাৰাবাহিক জেৰা চলায় ৷ তেওঁৰ মাতৃক ইডিৰ কাৰ্যালয়ৰ চৌহদত এখন বাহনত বহি থকা দেখা যায় দীৰ্ঘসময় ধৰি ৷ আৰু তেওঁৰ পিতৃ কাৰ্যালয়ত তেওঁৰ সৈতে উপস্থিত থাকে ৷ ইডিৰ কাৰ্যালয়ৰ পৰা ওলোৱাৰ পিছত পিতৃ-মাতৃসহ অভিনেত্ৰীগৰাকী ৰাওনা হয় হোটেল ৰেডিছন ব্লুলৈ ৷
উল্লেখ্য যে পূৰ্বেও কেইবাবাৰো মহাৰাষ্ট্ৰ ইডিয়ে চমন দিছিল তামান্নাক । কিন্তু ইডিয়ে গুৱাহাটীলে তেওঁক কিয় মাতিলে সেয়া ইডিৰ তৰফৰ পৰা স্পষ্ট নকৰিলেও সন্দেহ কৰা হৈছে যে মহাৰাষ্ট্ৰৰ গোচৰৰ সংক্ৰান্ততে তেওঁক গুৱাহাটীত সোধা-পোছা কৰিছে ইডিয়ে ৷ মহাদেৱ বেটিং এপৰ প্ৰমোচন সন্দৰ্ভত তামান্নাক গুৱাহাটীৰ কাৰ্যালয়লৈ চমন দিয়া হৈছে বুলি সন্দেহ কৰা হৈছে যদিও ই ডিয়ে এই পৰ্যন্ত একো কথাই সদৰী কৰা নাই ৷
Continue Reading
