হাৰিয়ানাত গোৰক্ষকৰ অভিযান; মব লিঞ্চিঙত প্ৰাণ হেৰুৱালে যুৱকে

প্ৰাপ্ত তথ্য অনুসৰি হাৰিয়ানাৰ চৰখী দাদৰী জিলাত গো-মাংস খোৱাৰ অভিযোগত এজন যুৱক মব লিঞ্চিঙৰ বলি হোৱাৰ চাঞ্চল্যকৰ ঘটনা পোহৰলৈ আহিছে৷ ইয়াৰ পাছতে উত্তেজনাময় পৰিৱেশে বিৰাজ কৰে অঞ্চলটোত। শুকুৰবাৰে(৩০ আগষ্ট)এই ঘটনা সংঘটিত হৈছে।দুজন নাবালককে ধৰি ৭ জন লোকক এই হত্যাকাণ্ডৰ গোচৰত গ্ৰেপ্তাৰ কৰিছে আৰক্ষীয়ে।

ঘটনা এদিন পূৰ্বে হাৰিয়ানাৰ চৰখী দাদৰী জিলাৰ বধৰা চহৰত গো-মাংসক লৈ হুলস্থুলৰ সৃষ্টি কৰিছিল গো-ৰক্ষক দলৰ সদস্যই। বস্তিঅঞ্চল সমূহত ৰন্ধা মাংসক গো-মাংস বুলি অভিহিত কৰি গোৰক্ষকসকলে আৰক্ষীৰ হাতত গতাই দিছিল দুজন প্ৰব্ৰজিত যুৱকক। বধৰা নগৰ আৰক্ষী থানা এই গোচৰৰ তদন্তত ব্যস্ত থকা সময়তে, গৌ ৰক্ষক দলৰ সদস্যই দুজন প্ৰব্ৰজিত যুৱকক গুৰুতৰভবে প্ৰহাৰ কৰে৷ প্ৰহাৰত এজন যুৱকৰ মৃত্যু হয়। দ্বিতীয় যুৱকজনৰ অৱস্থা গুৰুতৰ বুলি সদৰি কৰিছে।সূত্ৰই সদৰি অনুসৰি তথাকথিত গোৰক্ষকে গৰু মাংস খোৱাৰ সন্দেহত জাবৰ সংগ্ৰহ কৰি থকা এজন যুৱকক হত্যা কৰা বুলি জানিব পৰা গৈছে৷ সম্প্ৰতি শান্তি বাহাল ৰাখিবলৈ বস্তিৰ সমীপত আৰক্ষীবাহিনী তলৱ কৰা হৈছে। ভৰতৰ দৰে গণতান্ত্ৰিক, ধৰ্মনিৰপেক্ষ দেশ এখনত গৰু মাংস খোৱাৰ বাবে মৃত্যুক সাবটিব লগীয়া হোৱাটো অতি পৰিতাপৰ কথা!