ডিজিটেল ডেস্কঃ হাৰিয়ানা বিধানসভা নিৰ্বাচন সমীপত ৷ আজি অৰ্থাৎ শনিবাৰে চণ্ডীগড়ত কংগ্ৰেছে প্ৰকাশ কৰে হাৰিয়ানা বিধানসভা নিৰ্বাচন ২০২৪ৰ ইস্তাহাৰ। কংগ্ৰেছৰ ৪০ পৃষ্ঠাৰ ইস্তাহাৰত দলটোৱে মানুহক ২৫ লাখ টকা পৰ্যন্ত আৰু মহিলাক প্ৰতিমাহে ২০০০ টকা বিনামূলীয়া চিকিৎসা প্ৰদান কৰাৰ প্ৰতিশ্ৰুতি দিছে।
ইয়াৰ উপৰিও ছটলেজ-যমুনা লিংক (SYL) খালৰ পৰা পানী লোৱাৰ প্ৰতিশ্ৰুতি দিয়া হৈছে। ইয়াৰ সাত দিন আগতে দিল্লীত কংগ্ৰেছে হাৰিয়ানাৰ জনসাধাৰণৰ বাবে সাতটা নিশ্চয়তা ঘোষণা কৰিছিল। কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খৰ্গেৰ নেতৃত্বত সাতটা প্ৰতিশ্ৰুতি আৰু দৃঢ় উদ্দেশ্যৰ নামত মুকলি কৰা হৈছিল।
ইস্তাহাৰ প্ৰকাশ কৰাৰ সময়ত কংগ্ৰেছে সকলো শ্ৰেণীকে গুৰুত্ব প্ৰদান কৰিছে বুলি দাবী কৰে। এই ইস্তাহাৰত সকলোৰে বাবে গুণগত শিক্ষা, যুৱক-যুৱতীক কৰ্মসংস্থাপন, ২৫ লাখ টকা পৰ্যন্ত বিনামূলীয়া চিকিৎসাৰ দৰে স্বাস্থ্য সুবিধা আদি অন্তৰ্ভুক্ত কৰা হৈছে। ইয়াৰ উপৰিও মহিলাসকলক প্ৰতিমাহে ২০০০ টকা আৰ্থিক সাহায্য প্ৰদান, কৃষক আয়োগ গঠন, নূন্যতম সহায়ক মূল্য (এম এছ পি)ৰ নিশ্চয়তা, আৰু অভাৱগ্ৰস্ত লোকসকলক ১০০ বৰ্গ গজৰ প্লটৰ প্ৰতিশ্ৰুতি দিয়া হৈছে।
Continue Reading
