ডিজিটেল ডেস্কঃ এজনী সপোন পিয়াসী ছোৱালী। পাছে কাল নিয়তিয়ে ছোৱালীজনীৰ সপোনবোৰ ফুলিবলৈ নিদিলে। কেন্সাৰ ৰোগৰ সৈতে যুঁজিও চলিত বৰ্ষত এছ এছ চি পৰীক্ষাত ৮১.৬০ শতাংশ নম্বৰ লাভ কৰি মেধাৰ পৰিচয় দিয়া দিব্যা পাভলে সোমবাৰে সন্ধিয়া শেষ নিশ্বাস ত্যাগ কৰে।
থানেৰ নৌপাদস্থিত সৰস্বতী মাধ্যমিক বিদ্যালয়ৰ ছাত্ৰী পাভালে প্ৰেক্টিকেল পৰীক্ষাৰ মাত্ৰ কেইদিনমান আগতে কেমোথেৰাপি লৈ আছিল। মাজিৱাদাৰ নিৱাসী দিব্যা পাভলে টি-চেল লিম্ফোমা নামৰ বিৰল কেন্সাৰ ৰোগত চিকিৎসাধীন হৈ আছিল।
চিকিৎসকে কয় যে “দিব্যা আছিল এগৰাকী সুখী ভাগ্যৱান ছোৱালী যিয়ে অসুস্থতাৰ মাজতো হাঁহিব জানিছিল।''
২০২১ চনৰ এপ্ৰিল মাহত তেওঁ কৰ্কট ৰোগত আক্ৰান্ত হৈছিল আৰু তেওঁক ১৪ টা ৰক্ত সঞ্চালন, ১৫ টা শ্বেত ৰক্ত কণিকা সঞ্চালন আৰু ৫ টা কেমোথেৰাপি চিকিৎসাৰ প্ৰয়োজন হৈছিল।
তেওঁ গোটেই শিক্ষাবৰ্ষটো স্কুললৈ যোৱা নাছিল আৰু জানুৱাৰী মাহৰ শেষলৈকে তেওঁৰ সকলো চিকিৎসা সম্পূৰ্ণ হৈছিল। “পৰীক্ষাৰ মাত্ৰ কেইদিনমান আগতে তেওঁ পঢ়া-শুনা আৰম্ভ কৰিছিল আৰু তেওঁৰ শিক্ষকসকলে তেওঁক বহুত সহায় কৰিছিল। নিজক লৈ দিব্যা আত্মবিশ্বাসী আছিল বুলি কয় দিব্যাৰ পিতৃ একনাথ পাভলেই। জীৱনৰ শেষ দিন পৰ্যন্ত দিব্যাই সাহসেৰে যুঁজ দি গ'ল বুলি কয় পিতৃয়ে।
Continue Reading
