ডিজিটেল ডেস্কঃ পৃথিৱীৰ অন্যতম ধুনীয়া ফুল সূৰ্য্যমুখী। কেৱল দেখাতে ধুনীয়াই নহয়, স্বাস্থ্যৰ বাবেও ই অতি উপকাৰী। এনে বহু ঔষধি গুণ সূৰ্য্যমুখী ফুলৰ গুটিত লুকাই থাকে, যাৰ উপকাৰিতা জানিলে আপুনি আচৰিত হ’ব। বহুতো গৱেষণাৰ দ্বাৰা এই বীজৰ ঔষধি গুণৰ বিষয়ে জানিব পৰা গৈছে, যিয়ে শৰীৰৰ বহু দিশত উপকাৰিতাৰ কাম কৰিব পাৰে। ইয়াৰ উপকাৰিতা জানো আহক।
১) হৃদযন্ত্ৰ ভালে ৰাখে- এন্টিঅক্সিডেন্ট, এন্টি-ইনফ্লেমেটৰী গুণ সূৰ্য্যমুখীৰ গুটিত পোৱা যায়। এই বীজত ফ্লেভন’ইড, পলিচেচুৰেটেড ফেটি এচিড আৰু ভিটামিন থাকে, যিয়ে হৃদযন্ত্ৰৰ লগত জড়িত ৰোগৰ পৰা ৰক্ষা কৰাৰ কাম কৰে।
২) কলেষ্টেৰলৰ মাত্ৰা নিয়ন্ত্ৰণ হ’ব- সূৰ্য্যমুখীৰ গুটিৰ জৰিয়তেও কলেষ্টেৰলৰ মাত্ৰা নিয়ন্ত্ৰণ কৰিব পাৰি। এই বীজত ওমেগা ফেটি এচিড থাকে যি ৰক্তবাহী নলীৰ বাবে উপকাৰী। ইয়াৰ ফলত উচ্চ ৰক্তচাপ, ৰক্তশৰ্কৰা আৰু কলেষ্টেৰল বৃদ্ধিৰ আশংকা হ্ৰাস পায়।
৩) কেন্সাৰৰ পৰা ৰক্ষা কৰে- সূৰ্য্যমুখীৰ গুটি সেৱন কৰি মহিলাসকলে স্তন কেন্সাৰৰ সম্ভাৱনা কম কৰিব পাৰে। সূৰ্য্যমুখীৰ গুটিত লিগনান থাকে, যিটো স্বাস্থ্যৰ বাবে উপকাৰী বুলি বিবেচিত হয়। লিগনান হৈছে এক প্ৰকাৰৰ পলিফিনল যিয়ে শৰীৰত এন্টিঅক্সিডেন্ট হিচাপে কাম কৰে।
৪) মানসিক স্বাস্থ্যৰ বাবে অপৰিহাৰ্য- সূৰ্যমুখী গুটি আপোনাৰ মানসিক স্বাস্থ্য ভাল কৰি ৰখাৰ বাবেও উপযোগী হ’ব পাৰে। এই বীজত কেলচিয়াম আৰু জিংকৰ দৰে পুষ্টিকৰ উপাদান থাকে, যিবোৰ মগজুৰ বিকাশত উপকাৰী।
৫) হাড়ৰ বাবে ভাল- সূৰ্যমুখী গুটিত আইৰণ, জিংক, কেলচিয়াম থাকে, যিয়ে হাড় সুস্থ কৰি ৰখাত সহায় কৰিব পাৰে। হাড় মজবুত হোৱাৰ বাবে শৰীৰেও শক্তি লাভ কৰে।
