হাতত নাই এখনো চিনেমা ,দামী শাৰী আৰু দামী গাড়ীৰ খৰচ কেনেকৈ বহন কৰে ৰেখাই ?

ইখনৰ পিছত সিখন পৰ্দাত এগৰাকী শক্তিশালী মহিলাৰ চৰিত্ৰ ৰূপায়ণ কৰিছিল ৰেখাই। তেওঁক কেন্দ্ৰ কৰি নিৰ্মাণ কৰা হৈছিল বহু চিনেমা  অৰ্থাৎ বলীউড এসময়ত কেন্দ্ৰ  হৈ পৰিছিল ৰেখা।  বিভিন্ন ছবিত মুখ্য চৰিত্ৰত অভিনয় কৰি তেওঁ এটা সময়ত বহু টকাও উপাৰ্জন কৰিছিল। বৰ্তমান সময়ত সোণালী যুগৰ সেই কিংবদন্তি অভিনেত্ৰীগৰাকীক ৰূপালী পৰ্দাত আগৰ দৰে দেখা পোৱা নাযায়। অৱশ্যে বঁটা বিতৰণী অনুষ্ঠানসমূহত নিয়মীয়াকৈ উপস্থিত হয় অভিনেত্ৰীগৰাকী। হাতত চিনেমা নাথাকিলেও  এটা বিলাসী জীৱন কটাইছে ৰেখাই।  কিন্তু প্ৰশ্ন হয়  দামী শাৰী, দামী গাড়ীৰ খৰচ কেনেকৈ বহন কৰে  অভিনেত্ৰীগৰাকীয়ে? কেনেকৈ উপাৰ্জন কৰে? আচলতে উপাৰ্জনৰ বাবে ৰেখাৰ আছে একাধিক সমল । অভিনেত্ৰীগৰাকীৰ মুম্বাই আৰু দক্ষিণ ভাৰতত আছে বহু সংখ্যক ঘৰ , তাৰে কিছুমান ঘৰ ভাড়াতো আছে । আনহাতে এতিয়াও মাজে মাজে ৰূপালী পৰ্দাত অতিথি শিল্পী হিচাপে কাম কৰা দেখা যায় ৰেখাক।  বিজ্ঞাপনৰ জগতখনতো এক সক্ৰিয় ভূমিকা গ্ৰহণ কৰে অভিনেত্ৰীগৰাকীয়ে ।পূৰ্বতে ৰাজনীতিৰ জগততো  দেখা পোৱা গৈছিল ৰেখাক। আৰু এনেদৰেই উপাৰ্জনৰ বিভিন্ন সমল আছে ৰেখাৰ হাতত ।

আনহাতে ৰেখাই সদায়  মধ্যবিত্তীয় চিন্তাধাৰাত বিশ্বাস কৰে।অধিক সঞ্চয়ৰ নীতিত বিশ্বাস কৰাৰ বাবেই আজিও ৰেখাই অভূতপূৰ্ব বিলাসী জীৱন যাপন কৰিবলৈ সক্ষম হৈছে। ৰেখা বৰ্তমান বান্দ্ৰাৰ এটা বিলাসী ঘৰত থাকে। ঘৰৰ চাৰিওফালে ওখ বাঁহৰ বেৰ আৰু  নিৰাপত্তাৰক্ষী। ৰেখাই জীৱনটো কেনেকৈ পাৰ কৰিছে এতিয়া ? সেয়া বহুতে জানিব বিচাৰে। তাৰ উত্তৰ এটাই যে তেওঁ বেছি খৰচ নকৰে। তেওঁক নতুন কাপোৰ কিনা বা গাড়ী কিনাৰো চখ নাই । তেওঁ এতিয়াও পুৰণি শাৰী আৰু সোণৰ গহনাৰে নিজক সজাই ৰাখে।এগৰাকী কিংবদন্তি অভিনেত্ৰী হিচাপে সেয়াই হৈছে তেওঁৰ নিজস্ব ষ্টাইল।