ডিজিটেল ডেস্কঃ হায়দৰাবাদৰ এটা অট্টালিকাত এক ভয়ংকৰ অগ্নিকাণ্ড সংঘটিত হৈছে। এই অগ্নিকাণ্ডৰ ফলত ৯ জন লোকৰ মৃত্যু হৈছে।
জানিব পৰামতে, বহুমহলীয়া এপাৰ্টমেণ্ট কমপ্লেক্সটোৰ তলৰ মহলাৰ পৰাই জুই আৰম্ভণি হৈছিল, য’ত ৰাসায়নিক পদাৰ্থ থকা কিছুমান জমা কৰি ৰখা হৈছিল। তাৰ পিছতেই জুইৰ লেলিহান শিখাই সম্পূৰ্ণ অট্টালিকাটো আগুৰি ধৰিছিল আৰু এই ভয়ংকৰ কাণ্ড সংঘটিত হৈছিল।
অগ্নিনিৰ্বাপক বাহিনীৰ এজন জ্যেষ্ঠ বিষয়াই সাংবাদিকৰ আগত জনোৱা মতে, এতিয়ালৈকে ২০ জনতকৈ অধিক লোকক অট্টালিকাৰ পৰা উদ্ধাৰ কৰা হৈছে।
গুৰুতৰভাৱে আঘতপ্ৰাপ্ত প্ৰায়বোৰ লোকেই প্ৰথম আৰু দ্বিতীয় মহলাৰ আৱাসী বুলি জানিব পৰা গৈছে। তৃতীয় আৰু চতুৰ্থ মহলাত বাস কৰা লোকসকল সামান্যভাৱে আঘাতপ্ৰাপ্ত হৈছে।
অট্টালিকাটোৰ তলৰ মহলাটোক ৰমেশ জয়ছৱালে তেলৰ গুদাম হিচাপে ব্যৱহাৰ কৰি আছিল। অট্টালিকাটোৰ স্বত্বাধিকাৰী ৰমেশ জয়ছৱাল বৰ্তমান পলাতক অৱস্থাত আছে। ঘটনাটোত গভীৰ শোকৰ ছাঁ পৰিছে।
Continue Reading
