ডিজিটেল ডেস্ক: আৰ্জেণ্টিনাৰ মডেল আৰু অভিনেত্ৰী চিলভিনা লুনাৰ আকস্মিক বিয়োগে হতচকিত কৰিছে তেওঁৰ অনুৰাগীক৷ মৃত্যুৰ সময়ত তেওঁৰ বয়স আছিল ৪৩ বছৰ৷ আৰ্জেণ্টিনাৰ মনোৰঞ্জন জগতৰ এগৰাকী ফৰিংফুটা নাম চিলভিনা লুনাই প্লাষ্টিক চাৰ্জাৰী প্ৰক্ৰিয়াৰ পৰা উদ্ভৱ হোৱা জটিলতাৰ ফলত কৰুণভাৱে মৃত্যুক সাবটি ল’বলগীয়া হয়৷
লুনাই তেওঁৰ মৃত্যুৰ মাত্ৰ দুসপ্তাহ পূৰ্বে প্লাষ্টিক চাৰ্জাৰী প্ৰক্ৰিয়াটো সম্পন্ন কৰাইছিল। অৱশ্যে, অস্ত্ৰোপচাৰৰ পৰৱৰ্তী সময়ক স্বাস্থ্যৰ অৱস্থা জটিল হ’বলৈ ধৰে লুনাৰ৷ অস্ত্ৰোপচাৰৰ পাৰ্শ্বক্ৰিয়াৰ ফলতে লুনাৰ বৃক্ক বিকল হৈ পৰিছিল৷
২০১৫ চনৰ পৰা ক্ৰমাৎ লুনাৰ স্বাস্থ্যৰ অৱনতি হ’বলৈ ধৰে৷ ২০১৫ চনত চিকিৎসাৰ প্ৰয়োজন হৈছিল লুনাক৷ চিকিৎসকে তেওঁৰ অসুস্থতাক হাইপাৰকেলচেমিয়া বুলি ধৰা পেলাইছিল, আৰু বৃক্ক সংৰোপণ কৰিব নোৱৰালৈকে সাপ্তাহিক ডায়েলাইচিছ চিকিৎসাত ৰখা হৈছিল। ২০১৬ত তেওঁ মিয়ামি ভ্ৰমণ কৰিছিল আৰু আৰ্জেণ্টিনাৰ ডাঃ ক্ৰিষ্টিয়ান পেৰেজক সাক্ষাৎ কৰি চিকিৎসা গ্ৰহণ কৰিছিল৷
Continue Reading
