ডিজিটেল ডেস্কঃ কিছু মাহ পূৰ্বে ইৰাণত সংঘটিত হোৱা হিজাব বিৰোধী প্ৰতিবাদৰ পিছতো দেশখনৰ পৰিস্থিতি আগৰ দৰেই হৈ আছে। ইৰাণত পুনৰবাৰ পুনৰাবৃত্তি হৈছে মাহছা আমিনিৰ দৰে এক কাণ্ড। হিজাব পৰিধান নকৰাৰ বাবে ইৰাণৰ মহিলা আৰক্ষীয়ে প্ৰহাৰ কৰে এগৰাকী ১৬ বছৰীয়া কিশোৰীক। এই প্ৰহাৰৰ ফলত বৰ্তমান ক’মা অৱস্থাত থকা কিশোৰীগৰাকীয়ে জীৱন-মৃত্যুৰ সৈতে যুঁজ দি আছে। ৪ অক্টোবৰত (বুধবাৰে) এই তথ্য দিছিল দুগৰাকী বিশিষ্ট অধিকাৰ কৰ্মীয়ে।
১৬ বছৰীয়া ছোৱালীজনীৰ নাম আৰ্মিতা গেৰভাণ্ড, যিয়ে হিজাব পিন্ধা নাছিল। এই কাৰণতে ছোৱালীজনীক মেট্ৰ’ত নৃশংসভাৱে প্ৰহাৰ কৰে এগৰাকী মহিলা আৰক্ষীয়ে। ইয়াৰ পিছত তেওঁৰ মূৰ আৰু ডিঙিত গুৰুতৰভাৱে আঘাতপ্ৰাপ্ত হয়। কিন্তু ইৰাণ চৰকাৰে সমগ্ৰ বিষয়টোৰ পৰা নিজকে আঁতৰাই ৰাখি অধিকাৰ সংগঠনৰ দাবীক অস্বীকাৰ কৰিছে। একে সময়তে দেশৰ ছ’চিয়েল মিডিয়াতো এই ঘটনা ক্ৰমাৎ ভাইৰেল হৈ পৰিছে।
ইৰাণৰ স্বৰাজ মন্ত্ৰালয়ে এই ঘটনা সন্দৰ্ভত মন্তব্যৰ বাবে কৰা অনুৰোধত কোনো তাৎক্ষণিক সঁহাৰি নাপালে। আনহাতে ইৰাণৰ এজন কৰ্মীয়ে কয় যে আমি তেওঁৰ গোচৰটো তীক্ষ্ণভাৱে নিৰীক্ষণ কৰি আছো। চিকিৎসালয়খনৰ আই চি ইউত ক’মাত থকাৰ বাবে তেওঁৰ অৱস্থা সংকটজনক। ইয়াৰ উপৰিও আন এজন কৰ্মীয়ে কয় যে নিৰাপত্তা বাহিনীয়ে গেৰভাণ্ডৰ পিতৃ-মাতৃক তেওঁৰ ফটো ছ’চিয়েল মিডিয়াত পোষ্ট কৰাত বা মানৱ অধিকাৰ সংগঠনৰ সৈতে কথা পতাত নিষেধাজ্ঞা আৰোপ কৰিছে।
Continue Reading
