ডিজিটেল ডেস্ক: নৰৱে’ৰ প্ৰখ্যাত লেখক-নাট্যকাৰ জন ফছেলৈ আগবঢ়োৱা হৈছে এইবৰ্ষৰ সাহিত্যৰ নোবেল বঁটা৷ ফছেক তেওঁৰ অভিনৱ নাটক আৰু গদ্যৰ বাবে নোবেল বঁটা প্ৰদান কৰা হৈছে নোবেল কমিটীয়ে সদৰী কৰিছে৷
নৰৱে’ৰ নাইনৰ্স্ক ভাষাক নাটক, উপন্যাস, কবিতা সংকলন, প্ৰবন্ধ, শিশু আৰু অনুবাদেৰে সমৃদ্ধ কৰিছে ফছেই। যদিও তেওঁ আজি পৃথিৱীৰ সৰ্বাধিক প্ৰদৰ্শিত আৰু চৰ্চিত নাট্যকাৰসকলৰ মাজৰ এজন, তথাপি তেওঁ তেওঁৰ গদ্যৰ বাবে ক্ৰমান্বয়ে স্বীকৃত হৈ পৰিছে।
উল্লেখযোগ্য যে, ২০২২ৰ সাহিত্যৰ নোবেল বঁটা এনি এৰ্নাউক্সক প্ৰদান কৰা হৈছিল৷
১৯৫৯ত নৰৱে’ৰ পশ্চিম উপকূলত জন্মগ্ৰহণ কৰা ফছেৰ সাহিত্যকৰ্ম নাটক, উপন্যাস, কবিতা সংকলন, প্ৰবন্ধ, শিশু গ্ৰন্থ আৰু অনুবাদেৰে সমৃদ্ধ। তেওঁৰ প্ৰথম উপন্যাস ‘Raudt, svart’ ১৯৮৩ত প্ৰকাশ পাইছিল আৰু তেতিয়াৰ পৰা তেওঁৰ সৃষ্টি বিশ্বজুৰি ৪০টাতকৈও অধিক ভাষাত অনূদিত হৈছে।
ফছেৰ প্ৰথম নাটক ‘Og aldri skal vi skiljast’ ১৯৯৪ চনত পৰিৱেশিত আৰু প্ৰকাশিত হৈছিল।
সাহিত্যৰ নোবেল বঁটা ঘোষণাৰ পাছত ৬ আৰু ৯ অক্টোবৰত ঘোষণা কৰা হ’ব শান্তি আৰু অৰ্থনীতিৰ নোবেল বঁটা৷
Continue Reading
