ডিজিটেল ডেস্ক: ছেগা-চোৰোকাকৈ চলি আছে ‘দ্য কাশ্মীৰ ফাইলছ’ৰ চৰ্চা৷ বিবেক অগ্নিহোত্ৰী পৰিচালিত ‘দ্য কাশ্মীৰ ফাইলছ’ চিনেমাখন ছুপাৰহিট চিনেমা হিচাপে ইতিমধ্যে চিহ্নিত হৈছে। চিনেমাখনে বক্স অফিচত যথেষ্ট পৰিমাণৰ উপাৰ্জনো কৰিছে। চিনেমা সমালোচকসকলৰ উপৰি সাধাৰণ দৰ্শকেও পচন্দ কৰিছে।
চিনেমানত কাশ্মীৰী পণ্ডিতসকলৰ দুখ-দুৰ্দশাক দেখুওৱা হৈছে। এতিয়া বলীউডৰ প্ৰবীণ অভিনেত্ৰী আশা পাৰেখে এই সন্দৰ্ভত প্ৰকাশ কৰিছে বিবৃতি পাৰেখে লক্ষ্য কৰি লৈছে বিবেক অগ্নিহোত্ৰীক৷
চিনেমাখনৰ পৰা উপাৰ্জিত ধনৰাশিৰে বিবেকে জম্মু আৰু কাশ্মীৰত পানী আৰু বিদ্যুৎ অবিহনে বাস কৰা হিন্দুসকলক সহায় কৰা নাছিল কিয় বুলি আশা পাৰেখে প্ৰশ্ন কৰে৷
‘চিএনবিচি আৱাজ’ৰ সৈতে হোৱা এক সাক্ষাৎকাৰত আশা পাৰেখক সোধা হৈছিল যে তেওঁ বিতৰ্কিত চিনেমা ‘দ্য কাশ্মীৰ ফাইলছ’ আৰু ‘দ্য কেৰালা ষ্টৰী’ চাইছে নেকি? এই দুয়োখন চিনেমায়ে বক্স অফিচত আশাপ্ৰদ ব্যৱসায় কৰিছিল। যাৰ উত্তৰত আশা পাৰেখে ওলোটাই সুধিছিল যে মানুহে এই চিনেমাবোৰৰ পৰা কি পাইছে?
আত্ম-প্ৰতিক্ৰিয়া ব্যক্ত কৰি আশা পাৰেখে কয়, মই চিনেমাবোৰ দেখা নাই, তেন্তে মই বিতৰ্কৰ বিষয়ে কেনেকৈ ক’ম? যদি মানুহে ভাল পায়, তেন্তে এনে ধৰণৰ চিনেমা চোৱা উচিত।
আশা পাৰেখে লগতে কৈছিল যে চিনেমাখনৰ প্ৰযোজকে ইয়াৰ পৰা ৪০০ কোটি উপাৰ্জন কৰিছিল। তেন্তে তেওঁলোকে জম্মুত বাস কৰা হিন্দু কাশ্মীৰীসকলক কিমান টকা দিছিল? যিসকলৰ পানী নাই, বিদ্যুৎ নাই তেওঁলোকক তেওঁলোকে কিমান টকা দিছিল? যদি ৪০০ কোটিৰ ভিতৰত ২০০ কোটি উপাৰ্জন কৰিছে, তেন্তে ৫০ কোটি টকা দিব পাৰিলেহেঁতেন।
Continue Reading
