ডিজিটেল ডেস্কঃ কৰ্ণাটকৰ দাভানগেৰত থকা খ্ৰীষ্টান মিছনেৰীসকলৰ দ্বাৰা পৰিচালিত ডন বস্কো বিদ্যালয়ত কেইবাটাও অনিয়ম ধৰা পৰিছে৷ ৰাষ্ট্ৰীয় শিশু অধিকাৰ সুৰক্ষা আয়োগে (এনচিপিচিআৰ) সেই অনিয়মসমূহ তদন্ত কৰি থকাৰ সময়তে কেতবোৰ ভয়ংকৰ তথ্য পোহৰলৈ আহিছে৷
এনচিপিচিআৰৰ দলটোৱে শিশু আশ্ৰয় কেন্দ্ৰত উপস্থিত হৈছিল। সংগঠনটোৰ সভাপতি প্ৰিয়ংকা কানুংগোৱে এই সময়ছোৱাত প্ৰাপ্ত এখন কাগজৰ টুকুৰাৰ ফটো শ্বেয়াৰ কৰিছে। এই টুকুৰাটোত সামগ্ৰীৰ নাম, তাৰিখ আৰু মূল্য লিখা আছে। যিবোৰ বস্তুৰ নাম ইয়াত লিখা আছে তাৰ ভিতৰত আছে গোমাংসও।
এই কথা উল্লেখ কৰি প্ৰিয়ংকা কানুংগোৱে তেওঁৰ টুইটত কৈছে যে এই সন্দেহজনক মাংসবিধ পাকঘৰ পৰিদৰ্শন কৰাৰ সময়তো পোৱা গৈছে৷ দলটোৰ এগৰাকী সদস্যা ডাঃ দিব্যা গুপ্তাই আৱৰ্জনাৰ মাজৰ পৰা গোমাংস ক্ৰয় কৰাৰ বিল বিচাৰি পাইছিল।সেই শিশুগৃহটোত বহু সংখ্যক হিন্দু শিশু থকা স্বত্বেও সকলো শিশুক খ্ৰীষ্টান ধৰ্ম পালন কৰিবলৈ বাধ্য কৰা হৈছে আৰু তাত গোমাংস ৰন্ধা হৈছে বুলি তেওঁলোকে অভিযোগ কৰে।এই বিষয়ত প্ৰয়োজনীয় ব্যৱস্থা গ্ৰহণৰ বাবে প্ৰতিষ্ঠানটোৰ তৰফৰ পৰা এখন জাননী জাৰি কৰা হৈছে।
এনচিপিচিআৰে এনেদৰে হিন্দু শিশু থকা আশ্ৰয়গৃহত গো-মাংস পৰিবেশন কৰাৰ বিষয়টো পোহৰলৈ অনাৰ পিছতে কৰ্ণাটকত তীব্ৰ প্ৰতিক্ৰিয়াৰ সৃষ্টি হৈছে৷
Continue Reading
