শ্ৰমিকক উদ্ধাৰৰ আশা উজ্জ্বলঃ মাত্ৰ ১২ মিটাৰ! উত্তৰকাশীৰ সুৰংগত শ্ৰমিক আবদ্ধ হৈ থকা স্থানৰ পৰা মাত্ৰ ১২ মিটাৰ দূৰত্বত অৱস্থান উদ্ধাৰকাৰীৰ দলৰ

যদি সকলো ঠিকে থাকে  বুধবাৰে নিশাৰ ভিতৰতে সকলোৱে ভাল খবৰ পাব বুলি আশা কৰিছে। উত্তৰাখণ্ড পৰ্যটন বিভাগৰ এজন জ্যেষ্ঠ বিষয়া ভাস্কৰ খুনবেয়ে কয় যে বাকী থকা  ১৮ মিটাৰৰ ভিতৰত ৬ মিটাৰ খনন কৰা হৈছে। আৰু ১২ মিটাৰ বাকী আছে।উল্লেখ্য উত্তৰকাশীৰ এটা সুৰংগত ১১ দিন ধৰি ৪১ জন শ্ৰমিক আৱদ্ধ হৈ আছে। সকলোৱে প্ৰশ্ন কৰিছিল তেওঁলোকক কেতিয়া অন্ধকাৰ সুৰংগৰ পৰা উদ্ধাৰ কৰা হ'ব। অৱশেষত সেই প্রস্নৰ  উত্তৰ হয়তো পোৱা যাব। বুধবাৰে  উত্তৰাখণ্ডৰ পথ আৰু পৰিবহণ বিভাগৰ জ্যেষ্ঠ বিষয়া মেহমুদ আহমেদে কয়, "কালি পুৱা প্ৰায় ১.৪৫ বজাত খননকাৰী 'অগৰে' সুৰংগটোৰ মুখত পৰি থকা শিলৰ খনন আৰম্ভ কৰে। আমি অনুমান কৰি আছোঁ যে শ্ৰমিকসকল ধ্বংসস্তূপৰ মাজত  ৫৭  মিটাৰ গভীৰতাত আৱদ্ধ হৈ আছে। ইয়াৰ ভিতৰত, ইতিমধ্যে ৩৯  মিটাৰ খনন কৰা হৈছে। বাকী আছিল ১৮  মিটাৰ। ৬ মিটাৰৰ খনন ইতিমধ্যে হৈছে৷ এতিয়া বাকী আছে মাত্ৰ ১২ মিটাৰ৷ যদি সকলো ঠিকে থাকে ২৪  ঘণ্টাৰ ভিতৰত ভাল খবৰ লাভ কৰিব  পৰা যাব বুলি তেওঁ আশা প্ৰকাশ কৰে৷