ডিজিটেল ডেস্কঃ ড্ৰামা কুইন নামেৰে জনপ্ৰিয় ৰাখী সাৱন্ত প্ৰেমিক আদিল দুৰাণীক লৈ বিগত কেইবাদিন ধৰি চৰ্চাত আছে। আদিলৰ লগত ৰাখীৰ প্ৰেম তুংগত চলি আছে। দুয়ো ভিন্ন স্থানত একেলগে ঘূৰা-ফুৰা কৰি আছে। ডেটিং স্পটতো দুয়োকে সঘনাই দেখা পোৱা যায়। কিন্তু সেই আদিলেই এতিয়া প্ৰতাৰণা কৰিলে নেকি ৰাখীক। সেই প্ৰশ্নই জাগিছে এতিয়া সকলোৰে মনত। অলপতে আদিলক নিবলৈ বিমানবন্দৰত উপস্থিত হৈছিল ৰাখী সাৱন্ত, কিন্তু ঘণ্টাৰ পিছত ঘণ্টা অপেক্ষা কৰি থকাৰ পাছতো নাহিল আদিল।
ৰাখী সাৱন্তৰ হৃদয়খন আকৌ এবাৰ ভাঙি গ’ল আৰু সংবাদ মাধ্যমৰ আগত নিজৰ হৃদয় ভঙাৰ কথা সদৰী কৰিলে ৰাখীয়ে। শেহতীয়াকৈ মুম্বাই বিমানবন্দৰত দেখা গৈছিল ৰাখী সাৱন্তক। চেলোৱাৰ পিন্ধি,বহুত মেকআপ কৰি সাজি-কাচি আহিছিল তেওঁ। ঘণ্টা ঘণ্টা ধৰি এয়াৰপৰ্টত ৰৈ থাকিল ৰাখী কিন্তু নাহিল প্ৰেমিক আদিল দুৰাণী। দুঘণ্টা ৰৈ থকাৰ পাছতো প্ৰেমিকক নেদেখি দুখত ভাগি পৰে ৰাখী সাৱন্ত। কান্দি কান্দি তেওঁৰ চকুৰ মেকআপো বেয়া হৈ যায়। ৰাখীৰ এই ভিডিঅ’ দেখাৰ পাছত বহুতেই কৈছে যে আকৌ ঠগ খালে নেকি ৰাখীয়ে! ৰাখীয়ে কয় যে "মই সাজিকাচি আহিছিলো আদিলৰ বাবে। এই সকলোখিনি তেওঁৰ বাবেই কৰিছিলো। আদিল নাহিল। কান্দি-কান্দি মোৰ চকুৰ কাজল গুচি গ’ল।"
পাপ্পাৰাজীয়ে কয় যে আপুনি এবাৰ আদিলৰ লগত এটা ভিডিঅ’ কলত কথা পাতক। কিন্তু ৰাখীয়ে কয় যে মই এতিয়া কথা নাপাতো। কাৰণ কালি মই তেওঁক লগ কৰিবলৈ ৰৈ থাকিলো কিন্তু তেওঁ নাহিল। ৰাখীয়ে লগতে কয় যে "মই কথা নাপাতো, কাৰণ মোৰো আত্মসন্মান আছে, মই তেওঁক লগ কৰিবলৈ দিল্লীলৈ গৈছিলো আৰু তেওঁ তালৈও অহা নাছিল। এই কথাক লৈ মই বহুত দুখী"।
কিবা বিশেষ ব্যস্ততাৰ বাবেহে আদিল দুৰাণী ৰাখীৰ ওচৰলৈ আহিব নোৱাৰিলে..নে তেওঁ ৰাখীক প্ৰতাৰণা কৰিলে সেয়া পৰৱৰ্তী সময়তহে গম পোৱা যাব। সকলোৱে এতিয়া সেই উত্তৰলৈ বাট চাইছে।
Continue Reading
