ডিজিটেল ডেস্কঃ মহেশ কন্যা আলিয়া ভাট মাতৃ হ’বলৈ ওলাছে। আলিয়াৰ এই খবৰ ছ’চিয়েল মিডিয়াত পলকতে ভাইৰেল হৈ পৰে। অনুৰাগীয়ে কমেণ্টত শুভেচ্ছাবাণীৰে উপচাই দিয়ে প্ৰিয় অভিনেত্ৰীগৰাকীক। আলিয়াই সকলোকে শুভকামনাৰ বাবে ধন্যবাদ জ্ঞাপন কৰে। তদুপৰি একাংশ খবৰত বিতুষ্ট হৈ পৰিছে অভিনেত্ৰীগৰাকী। মঙলবাৰে এনে কেতবোৰ বিষয়ক লৈ নিজৰ ছ’চিয়েল মিডিয়া প্ৰফাইলত তীব্ৰ প্ৰতিবাদ সাব্যস্ত কৰিছে নায়িকা গৰাকীয়ে।
লণ্ডনত ‘হাৰ্ট অৱ ষ্টোন’ৰ শ্বুটিং কৰি আছে আলিয়াই। জুলাই মাহৰ মাজভাগত তেওঁ দেশলৈ ঘূৰি আহিব, সেইটোৱেই আছিল খবৰ। সৰ্বভাৰতীয় সংবাদ মাধ্যমত প্ৰকাশিত এক প্ৰতিবেদনত উল্লেখ কৰা হৈছে যে, জুলাইত আলিয়া শ্বুটিঙৰ পৰা ঘূৰি আহিব। ৰণবীৰে নিজেই লণ্ডনৰ পৰা মুম্বাইলৈ আনিব। এনেকৈয়ে আলিয়াই নিজৰ গৰ্ভাৱস্থাৰ পৰিকল্পনা কৰিছিল যাতে তেওঁৰ বাকী সকলো চিনেমাৰ কাম শেষ হৈ যায়। সেই খবৰটো দেখি খঙত জ্বলি পকি উঠিছে অভিনেত্ৰীগৰাকী।
বিয়াৰ ডেৰ-দুমাহ পাছতেই সন্তান সম্ভৱা হৈ উঠিছে আলিয়া। ঘৰতে বিয়াৰ অনুষ্ঠানৰ পাছত হনীমুনলৈ যোৱা নাছিল আলিয়া-ৰণবীৰ। সূত্ৰ অনুসৰি, এইবাৰ বেবীমুনৰ বাবে তাৰকা দম্পতীয়ে কিবা পৰিকল্পনা আছে। জুলাই মাহৰ মাজভাগত আলিয়াৰ শ্বুটিং শেষ হোৱাৰ লগে লগে লণ্ডনলৈ যাব ৰণবীৰ কাপুৰ। তাৰ পৰা দুয়ো একেলগে ইউৰোপৰ এখন গাঁৱলৈ যাব। স্বাভাৱিকতে, হনীমুনৰ পৰিৱৰ্তে বেবীমুনলৈ ওলাইছে নেকি আলিয়া-ৰণবীৰ? তাকে জানিবলৈ এতিয়া উদগ্ৰীৱ হৈ পৰিছে অনুৰাগী…!
Continue Reading
